ബാംഗളൂർ; ലോകം കൊറോണ ഭീതിയിൽ കഴിയുമ്പോൾ വൈറസ് പടർത്താൻ അഹ്വാനം ചെയ്ത് ഇൻഫോസിസ് ജീവനക്കാരൻ. സോഷ്യൽ മീഡിയയിലൂടെയായിരുന്നു അയാളുടെ അഹ്വാനം. തുടർന്ന് ഇൻഫോസിസ് ജീവനക്കാരനായ മുജീബ് മുഹമ്മദ് (25) ബാംഗളൂരിൽ അറസ്റ്റിലായി. ഇയാളെ ഇൻഫോസിസ് പുറത്താക്കുകയും ചെയ്തു.
'കൈകോർക്കാം. പൊതുസ്ഥലത്തു ചെന്നു തുമ്മാം. വൈറസ് പടർത്താം' - എന്നാണ് മുജീബ് ഫേയ്സ്ബുക്കിൽ കുറിച്ചത്. പോസ്റ്റിട്ടതിന് പിന്നാലെ മുജീബിനെതിരേ രൂക്ഷ വിമർശനവുമായി നിരവധിപേർ രംഗത്തെത്തി. തുടർന്നാണ് ഇയാളെ ജോലിയിൽ നിന്ന് പിരിച്ചുവിട്ടത്.
മുജീബിന്‍റെ സമൂഹമാധ്യമത്തിലെ കുറിപ്പ് ഇൻ‌ഫോസിസിന്‍റെ പെരുമാറ്റച്ചട്ടത്തിനും സാമൂഹിക പ്രതിബദ്ധതയ്ക്കും എതിരാണ്. ഇൻഫോസിസിന് അത്തരം പ്രവൃത്തികളോട് സഹിഷ്ണുതയില്ലാത്ത നയമാണ് സ്വീകരിക്കുന്നത്. അതനുസരിച്ചാണ് മുജീബിനെതിരെ നടപടിയെടുത്തതെന്ന് കമ്പനി അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ