ലഖ്‌നൗ: കടുവയുടെ ആക്രമണത്തില്‍ മൂന്ന് കര്‍ഷകര്‍ക്ക് പരിക്കേറ്റു. ഉത്തര്‍പ്രദേശിലെ പിലിഭിത്ത് ജില്ലയിലെ ഒരു ഗ്രാമത്തിലാണ് സംഭവം. പിലിഭിത്ത് ജില്ലാ മജിസ്‌ട്രേറ്റ് വൈഭവ് ശ്രീവാസ്തവയാണ് ഇക്കാര്യം വ്യക്തമാക്കി. കടുവ കര്‍ഷകരെ ആക്രമിക്കുന്നതിന്റെ വീഡിയോ ദൃശ്യങ്ങളും പുറത്ത് വന്നിട്ടുണ്ട്.
കാടിറങ്ങിയെത്തിയ കടുവ ട്രാക്റ്ററിലിരിക്കുകയായിരുന്ന കര്‍ഷകരെയാണ് ആക്രമിച്ചത്. വടിയും മറ്റുമുപയോഗിച്ച് ഇവര്‍ കടുവയെ ഓടിക്കാന്‍ ശ്രമിക്കുന്നതും കടുവ ട്രാക്റ്ററിന് മുകളില്‍ നിന്ന് ചാടി മറയുന്നതും ദൃശ്യങ്ങളില്‍ കാണാം. കടുവ കാട്ടിലേക്ക് തന്നെ മടങ്ങിയതായി ജില്ലാ മജിസ്‌ട്രേറ്റ് പറഞ്ഞു.
കഴിഞ്ഞ ദിവസവും സമാന സംഭവം ഇവിടെ അരങ്ങേറിയിരുന്നു. അന്ന് 45കാരനായ മത്സ്യത്തൊഴിലാളിക്ക് നേരെയായിരുന്നു ആക്രമണം. മീന്‍ പിടിക്കുന്ന ബോട്ടിലേക്ക് ചാടിക്കയറിയ കടുവ മത്സ്യത്തൊഴിലാളിയെ ആക്രമിക്കുകയായിരുന്നു. സംഭവം നടക്കുമ്പോള്‍ ബോട്ടില്‍ ഇയാളടക്കം മൂന്ന് പേരാണുണ്ടായിരുന്നതെന്നും റിപ്പോര്‍ട്ടുകളുണ്ടായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ