ന്യൂഡല്‍ഹി : രാജ്യത്തെ കോവിഡ് രോഗപ്പകര്‍ച്ചയില്‍ വന്‍വര്‍ധന. 24 മണിക്കൂറിനിടെ 4987 പേര്‍ക്ക് പുതുതായി രോഗബാധ സ്ഥിരീകരിച്ചു. ഒരു ദിവസം രോഗം ബാധിക്കുന്നവരിലെ ഏറ്റവും ഉയര്‍ന്ന തോതാണ് ഇന്നലെ സ്ഥിരീകരിച്ചത്. രാജ്യത്തെ രോഗബാധിതരുടെ എണ്ണം 90,000 കടന്നു.

ആകെ രോഗികളുടെ എണ്ണം 90,927 ആയി. 24 മണിക്കൂറിനിടെ രാജ്യത്ത് 120 പേരാണ് മരിച്ചത്. ഇതോടെ ഇന്ത്യയില്‍ കോവിഡ് ബാധിച്ച് മരിച്ചവരുടെ എണ്ണം 2872 ആയി.

കോവിഡ് ബാധിച്ച് രാജ്യത്ത് ഏറ്റവും കൂടുതല്‍ പേര്‍ മരിച്ചത് മഹാരാഷ്ട്രയിലാണ്. 1135 പേര്‍. മഹാരാഷ്ട്രയില്‍ ആയിരത്തിന് മുകളില്‍ ദിവസവും രോഗബാധ സ്ഥിരീകരിക്കുന്നതായാണ് റിപ്പോര്‍ട്ട്. അതേസമയം രോഗബാധിതരായി അതീവഗുരുതരാവസ്ഥയില്‍ രാജ്യത്ത് മൂന്നുശതമാനം പേര്‍ മാത്രമേയുള്ളൂവെന്നാണ് കേന്ദ്ര ആരോഗ്യമന്ത്രാലയം അറിയിക്കുന്നത്.