ചെന്നൈ: തമിഴ്‌നാട്ടില്‍ ചൊവ്വാഴ്ച കോവിഡ് 19 ബാധിച്ച് മരിച്ചത് ഒൻപത് പേർ. സംസ്ഥാനത്ത് ഒരു ദിവസം രേഖപ്പെടുത്തുന്ന ഏറ്റവും ഉയര്‍ന്ന മരണ സംഖ്യയാണിത്. ഇതോടെ സംസ്ഥാനത്ത ആകെ മരണം 127 ആയി.

24 മണിക്കൂറിനിടെ 646 പേര്‍ക്കാണ് തമിഴ്നാട്ടിൽ പുതിയതായി വൈറസ് ബാധ സ്ഥിരീകരിച്ചത്. തലസ്ഥാനമായ ചെന്നൈയിലാണ് ഏറ്റവും കൂടുതല്‍ പേര്‍ക്ക് വൈറസ് ബാധ സ്ഥിരീകരിച്ചിട്ടുള്ളത്. 509 പേർക്കാണ് ചെന്നൈയിൽ മാത്രം രോ​ഗം സ്ഥിരീകരിച്ചത്. സംസ്ഥാനത്താകെ 12 വയസില്‍ താഴെയുള്ള 1088 പേര്‍ക്ക് ഇതുവരെ വൈറസ് ബാധ സ്ഥിരീകരിച്ചിട്ടുണ്ട്.

സംസ്ഥാനത്ത് ഇതുവരെ കോവിഡ് 19 സ്ഥിരീകരിച്ചവരുടെ എണ്ണം ഇതോടെ 17,728 ആയി. ഇവരില്‍ 11640 പേരും ചെന്നൈയില്‍ ഉള്ളവരാണ്. 8256 ആണ് നിലവില്‍ ആക്ടീവ് കേസുകള്‍.

പുതിയതായി വൈറസ് ബാധ സ്ഥിരീകരിച്ചവരില്‍ 54 പേര്‍ അന്യ സംസ്ഥാനങ്ങളില്‍ നിന്നും വിദേശത്തു നിന്നും എത്തിയവരാണ്. 611 പേര്‍ ചൊവ്വാഴ്ച രോഗ മുക്തരായി ആശുപത്രി വിട്ടു. സംസ്ഥാനത്ത് ഇതുവരെ രോഗ മുക്തരായവരുടെ എണ്ണം ഇതോടെ 9342 ആയി.