വിശാഖപട്ടണം: ആന്ധ്രാപ്രദേശില്‍ ശസ്ത്രക്രിയയ്ക്ക് ഉപയോഗിക്കുന്ന സര്‍ജിക്കല്‍ സ്പിരിറ്റ് കുടിച്ച മൂന്ന് പേര്‍ക്ക് ദാരുണാന്ത്യം. മറ്റൊരാള്‍ അതീവ ഗുരുതരാവസ്ഥയില്‍ ചികിത്സയില്‍ കഴിയുന്നു.
ആന്ധ്രാപ്രദേശിലെ വിശാഖപട്ടണത്ത് ശനിയാഴ്ച രാത്രിയിലാണ് സംഭവം. മദ്യം വാങ്ങാന്‍ പണമില്ലാത്തത് കൊണ്ട് ഇവര്‍ സര്‍ജിക്കല്‍ സ്പിരിറ്റ് ഉപയോഗിക്കുകയായിരുന്നുവെന്ന് പൊലീസ് പറയുന്നു. വീട്ടില്‍ ഒത്തുകൂടിയാണ് ഇവര്‍ സ്പിരിറ്റ് കുടിച്ചത്.
സര്‍ജിക്കല്‍ സ്പിരിറ്റ് കുടിച്ചവരില്‍ രണ്ടുപേര്‍ ഓട്ടോ ഡ്രൈവര്‍മാരാണ്. ഒരാള്‍ ലോറി ക്ലീനറും അവശേഷിക്കുന്ന ആള്‍ ദിവസ വേതനക്കാരനുമാണ്. സര്‍ജിക്കല്‍ സ്പിരിറ്റ് കുടിച്ചതിന് പിന്നാലെ ഇവര്‍ക്ക് ദേഹാസ്വാസ്ഥ്യം അനുഭവപ്പെട്ടു. മൂന്നുപേര്‍ തത്ക്ഷണം മരിച്ചതായി പൊലീസ് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ