ഹൈദരാബാദ്: തെലങ്കാനയില്‍ കുഞ്ഞുങ്ങള്‍ അടക്കം 40 കുരങ്ങന്മാരെ സാമൂഹ്യവിരുദ്ധര്‍ വിഷം നല്‍കി കൊലപ്പെടുത്തിയ നിലയില്‍. കിരാത സംഭവത്തില്‍ കേസെടുത്ത് അന്വേഷണം ആരംഭിച്ചതായി പൊലീസ് അറിയിച്ചു.
മഹാബൂബാബാദ് ജില്ലയിലാണ് നാടിനെ നടുക്കിയ സംഭവം. ചാക്കിലാക്കിയ നിലയില്‍ കുരങ്ങന്മാരുടെ ശവശരീരം കണ്ടെത്തുകയായിരുന്നു. നാട്ടുകാരാണ് കുന്നിന്റെ മുകളില്‍ നിന്ന് ഇവ കണ്ടെത്തിയത്. ദുര്‍ഗന്ധം വമിച്ചതിനെ തുടര്‍ന്ന് പരിശോധിച്ചപ്പോഴാണ് ചാക്കിലാക്കിയ നിലയില്‍ ശവശരീരങ്ങള്‍ കണ്ടെത്തിയതെന്ന് പൊലീസ് പറയുന്നു.
സംഭവം നടന്നിട്ട് അഞ്ചോ ആറോ ദിവസം ആയിട്ടുണ്ടാകാമെന്ന് പൊലീസ് പറയുന്നു. പ്രദേശവാസികളാകാം ഇതിന് പിന്നിലെന്നാണ് പ്രാഥമിക നിഗമനം. കേസെടുത്ത് അന്വേഷണം ആരംഭിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ