ജയ്പൂര്‍: പതിനാല് ദിവസം കാട്ടില്‍ താമസിപ്പിച്ച് തന്നെ ബലാത്സംഗം ചെയ്തതായി യുവതിയുടെ പരാതി. രാജസ്ഥാനിലെ കോട്ട ജില്ലയിലാണ് ഇരുപതുകാരി പരാതി നല്‍കിയിരിക്കുന്നത്. 22കാരന്റെ പിടിയില്‍ നിന്ന് തന്റെ പിതാവാണ് രക്ഷിച്ചതെന്നും അതിന് ശേഷമാണ് പരാതി നല്‍കാന്‍ എത്തിയതെന്നും യുവതി പൊലീസിനോട് പറഞ്ഞു. 

നവംബര്‍ ഒന്‍പതിനാണ് ഇയാള്‍ തന്നെ തട്ടിക്കൊണ്ടുപോയത് എന്ന് യുവതി പറയുന്നു. ബന്ധുവിന്റെ വിവാഹത്തിന് പോയി തിരിച്ചു വരവെയായിരുന്നു തട്ടിക്കൊണ്ടുപോയത്. 

മോട്ടോര്‍സൈക്കിളിലാണ് ഇയാള്‍ തട്ടിക്കൊണ്ടുപോയത് എന്നും പരാതിയില്‍ പറയുന്നു. യുവാവിന്റെ തടങ്കലില്‍ കഴിയവെ ഇയാളുടെ കണ്ണുവെട്ടിച്ച് താന്‍ അച്ഛനെ വിളിച്ചെന്നും തുടര്‍ന്ന് അച്ഛന്‍ എത്തി രക്ഷിക്കുകയായിരുന്നുവെന്നും പെണ്‍കുട്ടി പറയുന്നു.