ന്യൂഡല്‍ഹി: മസാജ് സെന്ററിന്റെ മറവില്‍ പ്രവര്‍ത്തിക്കുന്ന സെക്‌സ്‌റാക്കറ്റിനെ വനിതാ കമ്മീഷന് പിടികൂടി. പടിഞ്ഞാറന്‍ ഡല്‍ഹിയിലെ തിലക് നഗര്‍ എരിയയിലായിരുന്നു മസാജ് സെന്ററില്‍ മറവില്‍ ലൈംഗിക വ്യാപാരം.
അമേസിങ് സ്പാ എന്നപേരിലായിരുന്നു സ്ഥാപനം പ്രവര്‍ത്തിച്ചിരുന്നത്. അവിടെ നിന്നും കോണ്ടം ഉള്‍പ്പെയുള്ള മറ്റ് വസ്തുക്കളും കണ്ടെടുത്തു. ഈ സ്ഥാപനത്തില്‍ ഇത്തരത്തില്‍ പ്രവര്‍ത്തനങ്ങള്‍ നടക്കുന്നതായി വിവരം ലഭിച്ചതിന്റെ അടിസ്ഥാനത്തിലാണ് റെയ്ഡ് നടത്തിയത്. ഇത്തരത്തില്‍ നിരവധി കേന്ദ്രങ്ങള്‍ ഇവിടെ പ്രവര്‍ത്തിക്കുന്നതായും വനിതാ കമ്മീഷന് ലഭിച്ച പരാതിയില്‍ പറയുന്നു.
തുടര്‍ന്ന് അനധികൃത സെക്‌സ് റാക്കറ്റിനെ കുറിച്ച് വനിതാ കമ്മീഷന് അംഗമാണ് ഇക്കാര്യം ചെയര്‍പേഴ്‌സണെ അറിയിച്ചത്. ഇക്കാര്യത്തില്‍ ഉടന്‍ തന്നെ നടപടി എടുക്കാന്‍ ഒരു സംഘത്തെ നിയോഗിക്കുകയുമായിരുന്നു. പിടികൂടിയ എല്ലാ പ്രതികളെയും പൊലീസ് സ്റ്റേഷനില്‍ ഹാജരാക്കി. കൂടാതെ പിടികൂടിയ സിസി ടിവി ദൃശ്യങ്ങളും പൊലീസിന് കൈമാറി. പെണ്‍കുട്ടികളുടെ മൊഴി പൊലീസ് രേഖപ്പെടുത്തി. സംഭവവുമായി ബന്ധപ്പെട്ട് കൂടുതല്‍ അന്വേഷണം നടത്തുമെന്ന് പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ