അഗര്‍ത്തല: ത്രിപുരയില്‍ സര്‍ക്കാര്‍ നയങ്ങളില്‍ പ്രതിഷേധിച്ച് പന്ത്രണ്ടു മണിക്കൂര്‍ ബന്ദിന് കോണ്‍ഗ്രസ് ആഹ്വാനം. സെപ്റ്റംബര്‍ 21ന് സംസ്ഥാനത്ത് ബന്ദ് ആചരിക്കുമെന്ന് പിസിസി അധ്യക്ഷന്‍ പിയൂഷ് കാന്തി ബിശ്വാസ് അറിയിച്ചു.
ബിജെപി ഭരണം സംസ്ഥാനത്തെ ദുരിതത്തിലേക്കു തള്ളിവിട്ടിരിക്കുകയാണെന്ന് കോണ്‍ഗ്രസ് ആരോപിച്ചു. കോവിഡ് പ്രതിരോധ പ്രവര്‍ത്തനങ്ങള്‍ ആകെ താളം തെറ്റിയിരിക്കുകയാണ്. സംസ്ഥാനത്ത് സ്വതന്ത്രമായ അഭിപ്രായ പ്രകടനം ഇല്ലാതായിരിക്കുകയാണെന്നും കോണ്‍ഗ്രസ് കുറ്റപ്പെടുത്തി.
മുഖ്യമന്ത്രി ബിപ്ലബ് ദേവ് കടുത്ത അസഹിഷ്ണുതയാണ് പ്രകടിപ്പിക്കുന്നത്. മാധ്യമങ്ങള്‍ ഉള്‍പ്പെടെ സര്‍ക്കാരിനെ വിമര്‍ശിക്കുന്ന എല്ലാവരോടും പ്രതികാര മനോഭാവമാണ് പ്രകടിപ്പിക്കുന്നതെന്ന് കോണ്‍ഗ്രസ് നേതാക്കള്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ