മുംബൈ : കോവിഡിന് പിന്നാലെ കനത്തമഴയും വെള്ളപ്പൊക്കവും മഹാരാഷ്ട്രയില്‍ കനത്ത ദുരിതം വിതച്ചു. അതിശക്തമായ മഴയെത്തുടര്‍ന്ന് താഴ്ന്ന പ്രദേശങ്ങളെല്ലാം വെള്ളത്തിനടിയിലായി. റോഡുകളും റെയില്‍വേ ട്രാക്കുകളുമെല്ലാം വെള്ളത്തിലായി.
ഇതേത്തുടര്‍ന്ന് ഗതാഗതം തടസ്സപ്പെട്ടു. മുംബൈയിലെ കിംഗ് സര്‍ക്കിള്‍ ഏരിയ, ഗ്രാന്റ് റോഡ്, ചാര്‍ണി റോഡ്, മാട്ടുംഗ തുടങ്ങിയ പ്രദേശങ്ങളിലെല്ലാം വെള്ളക്കെട്ട് രൂക്ഷമായി.
റെയില്‍വേ ട്രാക്കുകള്‍ വെള്ളത്തില്‍ മുങ്ങിയതോടെ നിരവധി ലോക്കല്‍ ട്രെയിനുകളും റദ്ദാക്കി. ചര്‍ച്ച് ഗേറ്റ് - അന്ധേരി ട്രെയിന്‍ സര്‍വീസ് റദ്ദാക്കി. വിരാട് ടു അന്ധേരി ദീര്‍ഘദൂര സര്‍വീസ് പുനഃക്രമീകരിച്ചതായും വെസ്റ്റേണ്‍ റെയില്‍വേ അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ