മീററ്റ്: വിവാഹവാഗ്ദാനം ചെയ്ത് റേഡിയോളജിസ്റ്റിനെ ജൂനിയര്‍ ഡോക്ടര്‍ ബലാത്സംഗം ചെയ്തതായി പരാതി. മഹാരാഷ്ട്ര സ്വദേശിയായ റോഡിയോളജിസ്റ്റിനെയാണ് മീററ്റ് മെഡിക്കല്‍ കോളജിലെ ഡോക്ടര്‍ ബലാത്സംഗം ചെയ്തത്. ബലാത്സംഗത്തിന് പിന്നാലെ ഡോക്ടര്‍ വിവാഹത്തില്‍ നിന്ന് പിന്‍മാറിയതായും യുവതി പരാതിയില്‍ പറയുന്നു.
വെള്ളിയാഴ്ചയാണ് യുവതി നൗചൗണ്ടി പൊലീസ് സ്റ്റേഷനിലെത്തി പരാതി നല്‍കിയത്. ബലാത്സംഗത്തിനിരയാക്കിയ ജൂനിയര്‍ ഡോക്ടര്‍ പെണ്‍കുട്ടിയുടെ ബന്ധുവാണ്. ഇരുവരും തമ്മില്‍ നേരത്തെ അടുത്ത സുഹൃത്തുക്കളാണെന്നും നിരന്തരം ഫോണ്‍ വിളികള്‍ നടത്തിയാതായും പൊലീസ് പറയുന്നു.
വിവാഹ വാഗ്ദാനം നല്‍കി ഡോക്ടര്‍ തന്നെ പലതവണ ലൈംഗികമായി ചൂഷണം ചെയ്തതായും യുവതി പരാതിയില്‍ പറയുന്നു. നഗരത്തിലെ പല ഹോട്ടലുകളിലും ഡോക്ടര്‍ തന്നെ കൊണ്ടുപോയി ലൈംഗികമായി ദുരുപയോഗം ചെയ്തുവെന്ന് യുവതി പറഞ്ഞു. കുറ്റാരോപിതനായ ഡോക്ടര്‍ തന്റെ ഫോട്ടോയും എടുത്തതായും യുവതി പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ