ഭോപ്പാല്: മഹാത്മഗാന്ധിയുടെ ഘാതകന് നാഥുറാം വിനായക് ഗോഡ്സേ രാജ്യസ്നേഹിയെന്ന് ആവര്ത്തിച്ച് ഭോപ്പാലിലെ ബിജെപി എംപി പ്രജ്ഞാ സിംഗ് ഠാക്കൂര് രംഗത്ത്. കോണ്ഗ്രസ് രാജ്യസ്നേഹികളെ എല്ലാകാലത്തും അപമാനിക്കുകയാണെന്നും ഠാക്കൂര് പറഞ്ഞു.
രാജ്യത്തെ ആദ്യത്തെ തീവ്രവാദി നാഥൂറാം ഗോഡ്സെയാണെന്ന് കഴിഞ്ഞ ദിവസം കോണ്ഗ്രസ് നേതാവ് ദിഗ് വിജയ്സിങ് പറഞ്ഞിരുന്നു. ഇതിന് പിന്നാലെയാണ് പ്രജ്ഞാ ഠാക്കൂറിന്റെ മറുപടി.
കോണ്ഗ്രസ് എല്ലായ്പ്പോഴും ദേശസ്നേഹികളെ അപമാനിക്കുന്നു. അവരെ കാവി ഭീകരര് എന്നുവിളിക്കുന്നു. ഇതിനെക്കാള് മോശമായ വാക്കുകള് ഇല്ല. ഇക്കാര്യത്തില് കൂടുതല് പറയാനില്ലെന്നും ഠാക്കൂര് പറഞ്ഞു, കഴിഞ്ഞ ലോക്സഭാ തെരഞ്ഞെടുപ്പ് കാലത്തും ഗോഡ്സെ ദേശസ്നേഹിയാണെന്ന് ഇവര് പറഞ്ഞിരുന്നു. പിന്നീട് ഈ പ്രസ്താവനയില് ഠാക്കൂര് ക്ഷമചോദിക്കുകയും പിന്വലിക്കുകയും ചെയ്തിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ