ലക്നൗ: ഉത്തര്പ്രദേശില് പ്രിയങ്കഗാന്ധിയുടെ ചിത്രങ്ങളുള്ള കലണ്ടര് വിതരണവുമായി കോണ്ഗ്രസ്. കോണ്ഗ്രസ് ജനറല് സെക്രട്ടറി പ്രിയങ്കയുടെ പത്ത് ലക്ഷം കലണ്ടറുകളാണ് സംസ്ഥാനത്തെ എല്ലാ ഗ്രാമങ്ങളിലും നഗരങ്ങളിലും വിതരണം ചെയ്യുന്നത്.
12 പേജുള്ള കലണ്ടറില് പ്രിയങ്കയുടെ വിവിധങ്ങളായ ചിത്രങ്ങളാണ് ഉള്ളത്. പ്രിയങ്ക രാഷ്ട്രീയ രംഗത്ത് സജീവമായതിന് പിന്നാലെയുള്ളവായാണ് കലണ്ടറിലെ ചിത്രങ്ങള് ഏറെയും. അമേഠിയിലെ സോനാഭദ്രയിലെ ആദിവാസി സ്ത്രീകള്ക്കൊപ്പം യോഗത്തില് പങ്കെടുക്കുന്നത്, ജ്ജൈനിലെ മഹാക്കല് അമ്പലത്തില് പ്രാര്ത്ഥന നടത്തുന്നത്, ലക്നൗവിലെ ഗാന്ധി ജയന്തി ആഘോഷം, ഹാഥ്് രസിലെ പെണ്കുട്ടിയുടെ വീട്ടിലെത്തിയതുള്പ്പടയെുളള 12 ചിത്രങ്ങളാണ് കലണ്ടറില് ഇടം പിടിച്ചത്.
2022 ലെ നിയമസഭാ തെരഞ്ഞെടുപ്പില് പ്രിയങ്കയുടെ നേതൃത്വത്തില് പാര്ട്ടിയെ സജീവമാക്കുന്നതിന്റെ ഭാഗമായാണ് കലണ്ടര് ഇറക്കിയതെന്നും സംസ്ഥാനത്തിന്റെ എല്ലാ ഭാഗങ്ങളിലും കലണ്ടര് എത്തിക്കുമെന്നും പാര്ട്ടി കേന്ദ്രങ്ങള് വ്യക്തമാക്കി. അടുത്ത നിയമസഭാ തെരഞ്ഞടുപ്പില് ഉത്തര്പ്രദേശില് കോണ്ഗ്രസ് മുഖ്യമന്ത്രി സ്ഥാനാര്ഥിയായി എത്തുന്നതിന്റെ മുന്നൊരുക്കമാണെന്നുമാണ് പ്രിയങ്ക കലണ്ടറെന്നുമാണ് റിപ്പോര്ട്ടുകള്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ