മുംബൈ: നാസിക്കില്‍ നിന്ന് മുംബൈയിലേക്ക് വീണ്ടും കര്‍ഷകരുടെ ലോങ് മാര്‍ച്ച്. കേന്ദ്രസര്‍ക്കാരിന്റെ കാര്‍ഷിക നിയമങ്ങള്‍ക്ക് എതിരെ സമരം ചെയ്യുന്ന കര്‍ഷകര്‍ക്ക് ഐക്യദാര്‍ഢ്യം പ്രഖ്യാപിച്ചാണ് മാര്‍ച്ച് നടത്തുന്നത്. ആള്‍ ഇന്ത്യ കിസാന്‍ സഭയുടെ നേതൃത്വത്തിലാണ് മാര്‍ച്ച് നടത്തുന്നത്.
ആയിരത്തിലധികം കര്‍ഷകരാണ് ലോങ് മാര്‍ച്ചില്‍ പങ്കെടുക്കുന്നത്. മുംബൈയിലെ ആസാദ് െൈമെദാനില്‍ മാര്‍ച്ച് അവസാനിക്കും. എന്‍സിപി അധ്യക്ഷന്‍ ശദര് പവാര്‍ ഉള്‍പ്പെടെയുള്ളവര്‍ ആസാദ് മൈദാനില്‍ നടക്കുന്ന സമാപന സമ്മേളനത്തില്‍ പങ്കെടക്കും.
അതേസമയം, കാര്‍ഷിക നിയമങ്ങള്‍ക്ക് എതിരെ ഡല്‍ഹിയിലെ അതിര്‍ത്തിയില്‍ സമരം തുടരുന്ന കര്‍ഷകര്‍ റിപ്പബ്ലിക് ദിനത്തില്‍ ട്രാക്ടര്‍ മാര്‍ച്ച് നടത്തുമെന്ന് അറിയിച്ചു. ഡല്‍ഹിയില്‍ പ്രവേശിക്കാന്‍ കഴിഞ്ഞദിവസം കര്‍ഷകര്‍ക്ക് ഡല്‍ഹി പൊലീസ് അനുമതി നല്‍കിയിരുന്നു. പൊലീസ് തീരുമാനിച്ച റൂട്ടിലൂടെയാകും റാലി നടത്തുക.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ