മൃഗങ്ങളുമായി ബന്ധപ്പെട്ട നിരവധി കൗതുക വാര്‍ത്തകള്‍ ഓരോദിവസവും പുറത്തുവരുന്നുണ്ട്. മനുഷ്യനേക്കാള്‍ വിവേകത്തോടെ പെരുമാറുന്ന ചില മൃഗങ്ങളുടെ സ്വഭാവം പലപ്പോഴും അമ്പരപ്പ് ഉളവാക്കിയിട്ടുണ്ട്. ഇപ്പോള്‍ ഒരു കുട്ടിയാനയുടെ വീഡിയോയാണ് സോഷ്യല്‍മീഡിയയില്‍ നിറയുന്നത്.
പശ്ചിമബംഗാളിലെ ഒരു സ്‌കൂളില്‍ നിന്നുള്ളതാണ് ദൃശ്യം. കുട്ടിയാന കുഴല്‍ക്കിണറിന്റെ ടാപ്പ് തുറന്ന് വെള്ളം കുടിക്കുന്നതാണ് വീഡിയോയുടെ ഉള്ളടക്കം. മനുഷ്യരെ പോലെ പൈപ്പ് തുറന്ന് വെള്ളം കുടിക്കുന്നതാണ് വീഡിയോയെ വ്യത്യസ്തമാക്കുന്നത്.
ദിവസങ്ങള്‍ക്ക് മുന്‍പ് കാക്ക ടാപ്പ് തുറന്ന് വെള്ളം കുടിക്കുന്നതിന്റെ വീഡിയോ വ്യാപകമായാണ് പ്രചരിച്ചത്. സമാനമായ നിലയില്‍ കാഴ്ചക്കാരെ ഒരു നിമിഷം പിടിച്ചുനിര്‍ത്തുന്നതാണ് വീഡിയോ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ