ന്യൂഡൽഹി: ഒരു ദിവസത്തെ ഉയർന്ന കണക്ക് രേഖപ്പെടുത്തി രാജ്യത്ത് തിങ്കളാഴ്ച നടന്ന കോവിഡ് വാക്സിനേഷൻ. തിങ്കളാഴ്ച രാജ്യത്ത്  കോവിഡ് വാക്സിന്റെ 82.7 ലക്ഷം ഡോസാണ് വിതരണം ചെയ്തത്. 

ഒരു ദിവസം 42 ലക്ഷം ഡോസ് നൽകിയ ഏപ്രിൽ രണ്ടിലെ കണക്കാണ് ജൂൺ 21ന് മറികടന്നത്. വിവിധ സംസ്ഥാനങ്ങൾ വാക്സിൻ വിതരണം വേഗത്തിലാക്കുകയാണ്. ദിവസേന രണ്ടുലക്ഷം പേർക്ക് വാക്സിൻ നൽകാനാകുമെന്നാണ് പ്രതീക്ഷിക്കുന്നതെന്ന് ഹരിയാന വ്യക്തമാക്കി. പ്രതിദിനം അടുത്ത 10 ദിവസം മൂന്നുലക്ഷം പേർക്ക് വാക്സിൻ നൽകാനാണ് ശ്രമം എന്ന് അസം വ്യക്തമാക്കി.

29.10 കോടി വാക്സിൻ സംസ്ഥാനങ്ങൾക്ക് ഇതുവരെ സൗജന്യമായി വിതരണം ചെയ്തതായി കഴിഞ്ഞ ദിവസം കേന്ദ്രസർക്കാർ വ്യക്തമാക്കി. മൂന്നുകോടി ഡോസുകൾ സംസ്ഥാനങ്ങളുടെ പക്കലുണ്ട്. അടുത്ത മൂന്നുദിവസത്തിന് ഉള്ളിൽ 24 ലക്ഷം ഡോസ് കൈമാറുമെന്നും കേന്ദ്രസർക്കാർ അറിയിച്ചിട്ടുണ്ട്.