ജീവിതം എന്നുപറഞ്ഞാല്‍ ഇങ്ങനെയാണ്. എപ്പോള്‍ വേണമെങ്കിലും എന്തും സംഭവിക്കാം. ഇതിന് ഉദാഹരണമായി ട്വിറ്ററില്‍ പങ്കുവെച്ച വീഡിയോയാണ് ഇപ്പോള്‍ വൈറലാകുന്നത്.
മരത്തിന്റെ ചുവട്ടില്‍ നില്‍ക്കുന്ന മാനിനെ, മരത്തിന്റെ മുകളില്‍ മറഞ്ഞുനിന്ന പുള്ളിപ്പുലി പിടികൂടുന്ന വീഡിയോയാണ് വൈറലാകുന്നത്. ഡോ സാമ്രാട്ട് ഗൗഡ പങ്കുവെച്ച വീഡിയോയാണ് വ്യാപകമായി പ്രചരിക്കുന്നത്.
മരത്തിന്റെ മുകളില്‍ നിന്ന് താഴേക്ക് 'പറന്നുവന്ന' പുള്ളിപ്പുലിയുടെ ആക്രമണത്തില്‍ നിന്ന് രക്ഷപ്പെടാന്‍ മാനിന് സാധിച്ചില്ല. ഒരടി പോലും മുന്നോട്ടുപോകാന്‍ കഴിയുന്നതിന് മുന്‍പായിരുന്നു ആക്രമണം. മാനിന്റെ രക്ഷയ്ക്കായി കുരങ്ങന്മാര്‍ പുള്ളിപ്പുലിയെ ആക്രമിക്കാന്‍ ശ്രമിച്ചുവെങ്കിലും ഇരയുടെ പിടിവിടാന്‍ പുള്ളിപ്പുലി തയ്യാറായില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ