മുംബൈ: കോവിഡ് പരിശോധനയ്ക്കിടെയുണ്ടായ വാക്കേറ്റത്തെ തുടര്‍ന്ന് ഡോക്ടറെ മര്‍ദിച്ചവര്‍ക്കെതിരെ കേസെടുത്തു. മഹാരാഷ്ട്രയിലെ പാല്‍ഘറിലാണ് സംഭവം.
സ്വകാര്യ ആശുപത്രിയിലെ ലാബില്‍ കോവിഡ് പരിശോധന നടത്തുന്നതിനിടെ സാമ്പിള്‍ എടുക്കാന്‍ ഉപയോഗിക്കുന്ന ഉപകരണമായ സ്വാബ് സ്റ്റിക് മുറിഞ്ഞ് ഒരു ഭാഗം സ്ത്രീയുടെ മൂക്കില്‍ കുടുങ്ങുകയായിരുന്നു. തുടര്‍ന്ന് ഇവരുടെ ബന്ധുക്കള്‍ ജീവനക്കാരുമായി വാഗ്വാദത്തിലായി. ഇതുകണ്ട് സ്ഥലത്തെത്തിയ ഡോക്ടറെ ബന്ധുക്കള്‍ ചേര്‍ന്ന് മര്‍ദിക്കുകയായിരുന്നു.
സംഭവത്തിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു. അക്രമികള്‍ക്കെതിരെ കേസെടുത്ത് അന്വേഷണം ആരംഭിച്ചതായി പൊലീസ് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ