ഷിംല: മുന്നില്‍ വന്ന കുരങ്ങനെ രക്ഷിക്കാന്‍ വാഹനം വെട്ടിക്കുന്നതിനിടെ, നിയന്ത്രണം വിട്ട് കാര്‍ മറിഞ്ഞു. എലിവേറ്റഡ് റോഡില്‍ നിന്ന് താഴെക്കൂടി കടന്നുപോകുന്ന റോഡിലേക്കാണ് കാര്‍ മറിഞ്ഞത്. നാലുവയസുകാരന്‍ അടക്കം ഒരു കുടുംബത്തിലെ നാലുപേരും അത്ഭുതകരമായി രക്ഷപ്പെട്ടു.
ഹിമാചല്‍പ്രദേശിലെ ഷിംലയിലാണ് സംഭവം. ഓടിക്കൊണ്ടിരിക്കുന്ന കാറിന് മുന്നിലേക്ക് കുരങ്ങന്‍ വന്നതാണ് ഡ്രൈവറുടെ നിയന്ത്രണം നഷ്ടപ്പെടാന്‍ കാരണം. കുരങ്ങനെ ഇടിക്കാതിരിക്കാന്‍ വാഹനം വെട്ടിക്കുകയായിരുന്നു. അതിനിടെ നിയന്ത്രണം നഷ്ടപ്പെട്ട് എലിവേറ്റഡ് ഹൈവേയില്‍ നിന്ന് താഴെക്കൂടി കടന്നുപോകുന്ന റോഡിലേക്ക് കാര്‍ വീണു. കാര്‍ മലക്കം മറിയുന്നതിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.
വാഹനം മറിയുന്നത് കണ്ട് രണ്ട് വഴിയാത്രക്കാരാണ് രക്ഷയ്‌ക്കെത്തിയത്. ഓടിക്കൂടി ആളുകള്‍ കാറില്‍ നിന്ന് യാത്രക്കാരെ പുറത്തേയ്ക്ക് എടുക്കാന്‍ ശ്രമിക്കുന്നത് ദൃശ്യങ്ങളില്‍ വ്യക്തമാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ