ഡെറാഡൂണ്‍: ഉത്തരാഖണ്ഡ് കോണ്‍ഗ്രസ് എംഎല്‍എ രാജ്കുമാര്‍ ബിജെപിയിലേക്ക്. ഉത്തരാഖണ്ഡിലെ പുരോല നിയമസഭാ മണ്ഡലത്തില്‍ നിന്നാണ് രാജ്കുമാര്‍ കോണ്‍ഗ്രസ് ടിക്കറ്റില്‍ മത്സരിച്ച് ജയിച്ചത്. ഇന്ന് ഡല്‍ഹിയില്‍ വച്ച് രാജ്കുമാര്‍ ബിജെപി അംഗത്വം സ്വീകരിക്കും.
നേരത്തെ ബിജെപിയില്‍ നിന്നാണ് രാജ്കുമാര്‍ കോണ്‍ഗ്രസിലേക്ക് പോയത്. 2007 മുതല്‍ 2012 വരെ ബിജെപി എംഎല്‍എയായിരുന്നു.
എന്നാല്‍ 2012ലും 2017ലും രാജ്കുമാറിന് ബിജെപി സീറ്റ് നല്‍കിയില്ല. ഇതോടെയാണ് രാജ്കുമാര്‍ കോണ്‍ഗ്രസിലേക്ക് പോയത്. അടുത്ത വര്‍ഷം നിയമസഭാ തെരഞ്ഞെടുപ്പ് നടക്കാനിരിക്കെയാണ് രാജ്കുമാര്‍ ബിജെപിയിലേക്ക് തിരിച്ചെത്തുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ