ഷിംല: കനത്തമഴയെത്തുടര്ന്ന് ഹിമാചല് പ്രദേശില് കൂറ്റന് മലയിടിഞ്ഞു വീണതിനെത്തുടര്ന്ന് ബലേയി-കോട്ടി റോഡിലെ ഗതാഗതം തടസ്സപ്പെട്ടു. കോട്ടി പാലത്തിന് സമീപമായിരുന്നു മലയിടിഞ്ഞത്. പാറയില് ചെറുതായി പൊട്ടലുണ്ടാകുന്നത് ശ്രദ്ധയില്പ്പെട്ടതോടെ ആളുകള് ഓടിമാറിയതിനാല് ആളപായം ഉണ്ടായിട്ടില്ല.
കൂറ്റന് പാറകള് തകര്ന്ന് ക്ഷണനേരം കൊണ്ട് നദിയിലേക്ക് പതിക്കുകയായിരുന്നു. മലയിടിഞ്ഞു വീഴുന്നതിന്റെ ദൃശ്യങ്ങള് സമൂഹമാധ്യമങ്ങളില് വൈറലാണ്. കഴിഞ്ഞ ഏതാനും ദിവസങ്ങളായി ഹിമാചലില് കനത്ത മഴയാണ്.
മണ്ണിടിച്ചില് അടക്കമുള്ള പ്രശ്നങ്ങളെത്തുടര്ന്ന് കുളു, മണ്ഡി, സോളന്, ലാഹൗള്, ചംബ, സ്പിതി തുടങ്ങിയ 36 ഓളം റോഡുകളില് വാഹനഗതാഗതം നിരോധിച്ചിരിക്കുകയാണ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ