വേര്പാടുകളും വേര്പിരിയലുകളും നല്കുന്ന വേദന തീവ്രമായിരിക്കും. തന്റെ അരികില് നിന്ന് കുഞ്ഞിനെ കൊണ്ടുപോകുമ്പോള് അമ്മപ്പശുവിന് ഉണ്ടാകുന്ന ഭാവമാറ്റത്തിന്റെ ദൃശ്യങ്ങള് കഴിഞ്ഞദിവസം വ്യാപകമായാണ് പ്രചരിച്ചത്. പശുക്കിടാവിനെ കൊണ്ടുപോയ വാഹനത്തിന് പിന്നാലെ അമ്മപ്പശു ഓടുന്ന ദൃശ്യങ്ങളാണ് നൊമ്പരമായത്.
ഇപ്പോള് വേര്പാടിന്റെ തീവ്രത വ്യക്തമാക്കുന്ന വീഡിയോയാണ് വ്യാപകമായി പ്രചരിക്കുന്നത്. ഐഎഫ്എസ് ഉദ്യോഗസ്ഥനായ പര്വീണ് കസ്വാനാണ് ഈ ദൃശ്യം ട്വിറ്ററിലൂടെ പങ്കുവച്ചത്. പങ്കാളിയുടെ വേര്പാടില് നീറുന്ന പെണ്മയിയിന്റെ ദൃശ്യമാണ് നൊമ്പരക്കാഴ്ചയാകുന്നത്.
രാജസ്ഥാനിലെ കുചേരയിലാണ് സംഭവം നടന്നത്. രാമസ്വരൂപ് ബിഷ്ണോയി എന്ന വ്യക്തിയുടെ ഫാമില് 4 വര്ഷമായി വളര്ത്തുന്ന 3 മയിലുകളില് ഒന്നാണ് പ്രായധിക്യത്തെ തുടര്ന്ന് ജീവന് വെടിഞ്ഞത്. 8 വയസ്സായിരുന്നു ഈ ആണ്മയിലിന്റെ പ്രായം. തന്നോടും കുടുംബാംഗങ്ങളോടും ഈ മയിലുകള്ക്ക് ഏറെ അടുപ്പമായിരുന്നെന്നും രാമസ്വരൂപ് ബിഷ്ണോയി വ്യക്തമാക്കി.
ഞായാറാഴ്ച രാത്രിയിലാണ് ആണ്മയില് ജീവന് വെടിഞ്ഞത്. ആ സമയം മുതല് ഏതാണ്ട് നാല് മണിക്കൂറോളം പെണ് മയില് ആണ്മയിലിനു ചുറ്റും നടക്കുകയായിരുന്നു. പിറ്റേന്ന് പുലര്ച്ചെ മയിലിനെ സംസ്ക്കരിക്കാനായി അവിടെ നിന്നു നീക്കിയപ്പോഴാണ് പെണ്മയില് പിന്തുടര്ന്നത്. സംസ്ക്കരിക്കുന്ന സ്ഥലം വരെ പെണ്മയില് തന്റെ പങ്കാളിയെ പിന്തുടര്ന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ