ലഖ്‌നൗ: വോട്ട് ചോദിച്ചെത്തിയ ബിജെപി എംഎല്‍എയ്ക്ക് നേരെ സ്വന്തം മണ്ഡലത്തിലെ ജനങ്ങളുടെ പ്രതിഷേധം. ഖതൗലി എംഎല്‍എ വിക്രം സിങ് സൈനിയെയാണ് ഗ്രാമവാസികള്‍ വിരട്ടിയോടിച്ചത്.
പൊതുയോഗത്തില്‍ പങ്കെടുക്കാനെത്തിയ എംഎല്‍എയെ സ്ത്രീകള്‍ ഉള്‍പ്പെടെ ശകാരിച്ച് കാറില്‍ കയറ്റി വിടുന്നതിന്റെ വീഡിയോ സാമൂഹ്യ മാധ്യമങ്ങളില്‍ വൈറലായി. വിവാദമായ കാര്‍ഷിക നിയമങ്ങളെ ചൊല്ലിയാണ് പ്രതിഷേധമുയര്‍ന്നത്.
മതവിദ്വേഷ പ്രസംഗങ്ങള്‍ നടത്തിയതിന്റെ പേരില്‍ കുപ്രസിദ്ധി നേടിയ എംഎല്‍എയാണ് സൈനി. ഇന്ത്യ ഹിന്ദുക്കളുടേതാണെന്നും പശുക്കളെ കൊല്ലുന്നവരുടെ കാലു തല്ലിയൊടിക്കണമെന്നും തുടങ്ങി നിരവധി വര്‍ഗീയ പരാമര്‍ശങ്ങള്‍ സൈനിയുടെ ഭാഗത്തുനിന്നുണ്ടായിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ