ജയ്പൂര്‍: എംഎല്‍എയുടെ എസ് യുവി മോഷണം പോയി. രാജസ്ഥാന്‍ എംഎല്‍എ നാരായണന്‍ ബെനിവാളിന്റെ വാഹനമാണ് മോഷണം പോയത്. ജയ്പൂരിലെ വിവേക് വിഹാറിലെ ലോക് താന്ത്രിക് പാര്‍ട്ടിയുടെ എംഎല്‍എയുടെ അപ്പാര്‍ട്ടുമെന്റിന്റെ പുറത്തുനിര്‍ത്തിയിട്ടിരുന്ന വാഹനമാണ് ശനിയാഴ്ച രാത്രി കള്ളന്‍മാര്‍ അപഹരിച്ചത്
ശനിയാഴ്ച രാത്രിയാണ് വാഹനം കാണാതായാതെന്ന് എസ്എച്ച്ഒ പറഞ്ഞു. ഇന്നലെ രാത്രി എംഎല്‍എ തന്റെ സ്‌കോര്‍പിയോ അപ്പാര്‍ട്ടുമെന്റിന് പുറത്തുനിര്‍ത്തിയിട്ടിരുന്നതായും അദ്ദേഹം വ്യക്തമാക്കി. പ്രദേശത്തെയും സമീപപ്രദേശങ്ങളിലെയും സിസി ടിവി പരിശോധിച്ചുവരികയാണെന്ന് പൊലീസ് അറിയിച്ചു.
സ്ഥിരമായി താന്‍ അപ്പാര്‍ട്ടുമെന്റിന്റെ പുറത്താണ് വാഹനം നിര്‍ത്തിയിടാറുളളത്. ഇന്ന് രാവിലെ നോക്കിയപ്പോള്‍ വാഹനം കാണാനില്ലായിരുന്നെന്ന് എംഎല്‍എ പറഞ്ഞു. പൊലീസിനെ മോഷ്ടാക്കള്‍ക്ക് ഭയമില്ലാത്തതിനാലാണ് വാഹനം മോഷണം പോയതെന്ന് അദ്ദേഹം പറഞ്ഞു. ഒരു എംഎല്‍എയുടെ വാഹനം മോഷണം പോയാല്‍ സാധാരണക്കാരന്റെ അവസ്ഥ എന്തായിരിക്കുക്കുമെന്നും അദ്ദേഹം പറഞ്ഞു. നാഗൗര്‍ എംപി ഹനുമാന്‍ ബെനിവാളിന്റെ സഹോദരനാണ് നാരായണ്‍ ബെനിവാള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ