ഫിറോസാബാദ്: റോഡ് അപകടത്തില്‍ പെട്ട് അന്ത്യശ്വാസം വലിക്കുന്നതിനു നിമിഷങ്ങള്‍ മുമ്പ് യുവതി നടുറോഡില്‍ കുഞ്ഞിനു ജന്മം നല്‍കി. ഉത്തര്‍പ്രദേശിലെ ഫിറോസാബാദ് നാര്‍ഖിയിലാണ് ദാരുണ സംഭവം.
എട്ടു മാസം ഗര്‍ഭിണിയായിരുന്ന കാമിനിയാണ് പ്രസവിച്ചതിനു പിന്നാലെ അന്ത്യശ്വാസം വലിച്ചത്. ഭര്‍ത്താവ് രാമുവിനൊപ്പം മോട്ടോര്‍സൈക്കിളില്‍ യാത്ര ചെയ്യുകയായിരുന്നു കാമിനി. ഒരു ട്രക്ക് ഇവരുടെ ബൈക്കില്‍ ഇടിക്കുകയായിരുന്നു.
അപകടത്തെത്തുടര്‍ന്ന് റോഡില്‍ വീണ കാമിനി അവിടെ വച്ചു പ്രസവിക്കുകയായിരുന്നെന്ന് പൊലീസ് പറഞ്ഞു. പെണ്‍കുഞ്ഞ് ആരോഗ്യവതിയാണ്. രാമുവിനെയും കുഞ്ഞിനെയും ആശുപത്രിയിലാക്കിയിരിക്കുകയാണ്.
സംഭവത്തെത്തുടര്‍ന്ന് നാട്ടുകാര്‍ റോഡ് തടഞ്ഞത് സംഘര്‍ഷാവസ്ഥയുണ്ടാക്കി. പൊലീസ് ഇടപെട്ട് സ്ഥിതിഗതികള്‍ സാധാരണ നിലയില്‍ ആക്കിയതായി അധികൃതര്‍ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ