ഡെറാഡൂണ്‍: വരന്റെ വീട്ടുകാര്‍ വിലകുറഞ്ഞ വസ്ത്രങ്ങള്‍ കൊടുത്തയച്ചതില്‍ പ്രതിഷേധിച്ച് കല്ല്യാണം വേണ്ടെന്നുവച്ച് യുവതി. ഉത്തരാഖണ്ഡിലെ ഹല്‍ദ്വാനിയില്‍ നിന്നുള്ള വധുവാണ് വസ്ത്രത്തെ ചൊല്ലി വിവാഹം ഉപേക്ഷിച്ചത്. കല്യാണം നടക്കാന്‍ ദിവസങ്ങള്‍ മാത്രം ബാക്കിനില്‍ക്കെയാണ് യുവതിയുടെ പിന്മാറ്റം.
10,000 രൂപയുടെ ലെഹങ്കയാണ് വധുവിനായി വരന്റെ വീട്ടുകാര്‍ കൊടുത്തയച്ചത്. ലെഹങ്കയ്ക്ക് ക്വാളിറ്റി ഇല്ലെന്നും വിലകുറഞ്ഞ വസ്ത്രമാണ് വാങ്ങിയതെന്നും പറഞ്ഞ് വധു ഇത് നിരസിക്കുകയായിരുന്നു.
ഈ വര്‍ഷം ജൂണില്‍ വിവാഹ നിശ്ചയം കഴിഞ്ഞ ഇവര്‍ നവംബര്‍ അഞ്ചിനാണ് വിവാഹം നിശ്ചയിച്ചിരുന്നത്. വിവാഹം വേണ്ടെന്നുവയ്ക്കുന്ന നില എത്തിയപ്പോള്‍ ഇരു വീട്ടുകാരും പൊലീസില്‍ പരാതിയുമായി എത്തി. വിവാഹ ക്ഷണക്കത്തടക്കം തയ്യാറാക്കിയെന്നാരോപിച്ചാണ് വരന്റെ വീട്ടുകാര്‍ പരാതിയുമായി എത്തിയത്. ഇതോടെ പ്രശ്‌നത്തില്‍ ഇടപെട്ട പൊലീസ് വിഷയം ഒത്തുതീര്‍പ്പാക്കി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ