ന്യൂഡല്ഹി: യഥാര്ഥ ശിവസേന ആരാണെന്ന് തീരുമാനിക്കുന്നതില് നിന്ന് തെരഞ്ഞെടുപ്പ് കമ്മീഷനെ വിലക്കണമെന്ന ഉദ്ധവ് താക്കറെ പക്ഷത്തിന്റെ ആവശ്യം സുപ്രീംകോടതി ഭരണഘടനാ ബെഞ്ച് തള്ളി. എക്നാഥ് ഷിൻഡേയുടെ നേതൃത്വത്തിലുള്ള വിമത പക്ഷത്തിനെതിരെ പോരാടുന്ന ഉദ്ധവിന് പരമോന്നത കോടതിയുടെ തീരുമാനം കടുത്ത തിരിച്ചടിയായി മാറി.
ശിവസേനയുടെ ചിഹ്നം ആർക്കു നൽകണമെന്ന വിഷയത്തിൽ തെരഞ്ഞെടുപ്പ് കമ്മീഷന് തീരുമാനം എടുക്കാമെന്നും സുപ്രീംകോടതി വ്യക്തമാക്കി. യഥാർത്ഥ ശിവസേനയെന്ന് ചൂണ്ടിക്കാട്ടി ചിഹ്നത്തിന് ഏക്നാഥ് ഷിൻഡെ വിഭാഗം അവകാശവാദം ഉന്നയിച്ചിരുന്നു.
ഏക്നാഥ് ഷിൻഡേയുടെ നേതൃത്വത്തിലുള്ള വിമത പക്ഷം മറുകണ്ടം ചാടിയതോടെയാണ് കഴിഞ്ഞ ജൂണ് മാസത്തില് ഉദ്ധവിന്റെ നേതൃത്വത്തിലുള്ള മഹാരാഷ്ട്ര സര്ക്കാര് താഴെ വീണത്. പിന്നാലെ ബിജെപിയുമായി ചേര്ന്ന് ഷിൻഡേ പുതിയ സര്ക്കാര് രൂപീകരിക്കുകയും ചെയ്തു.
പിന്നാലെ കൂറുമാറ്റം, ലയനം, അയോഗ്യത തുടങ്ങിയ ഭരണഘടനാ വിഷയങ്ങള് ഉന്നയിച്ചു ഉദ്ധവ് സുപ്രീംകോടിതിയില് ഹര്ജി ഫയല് ചെയ്തു. പരാതി സുപ്രീം കോടതി അഞ്ചംഗ ഭരണഘടനാ ബെഞ്ചിനും വിട്ടിരുന്നു. ഇതിലാണ് ഇപ്പോള് വിധിയുണ്ടായിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ