റിയാദ്: റിയാദിൽ നിന്ന് ഉംറക്കായി വരികയായിരുന്ന രണ്ട് ഇന്ത്യൻ കുടുംബം സഞ്ചരിച്ച കാർ അപകടത്തിൽപെട്ട് രണ്ട് കുട്ടികളും രണ്ട് ഗർഭിണികളുമടക്കം അഞ്ചു പേർ മരിച്ചു. ഹൈദരാബാദ്, രാജസ്ഥാൻ സ്വദേശികളാണ് മരിച്ചത്.
വ്യാഴാഴ്ച പുലർച്ചെ മൂന്ന് മണിയോടെയായിരുന്നു അപകടം. റിയാദിൽ നിന്നും 140 കിലോ മീറ്റർ അകലെ ഇവർ സഞ്ചരിച്ച കാർ എതിർദിശയിൽ വന്ന മറ്റൊരു കാറുമായി കൂട്ടിയിടിക്കുകയായിരുന്നു.
ഹൈദരാബാദ് സ്വദേശി അഹ്‌മദ് അബ്ദുറഷീദിന്റെ ഗർഭിണിയായ ഭാര്യ ഖന്‌സ, മകൾ മറിയം (3), രാജസ്ഥാൻ സികാർ സ്വദേശി മുഹമ്മദ് ഷാഹിദ് ഖത്രി, ഭാര്യ സുമയ്യ, മകൻ അമ്മാർ(4) എന്നിവരാണ് മരിച്ചത്.
പരിക്കേറ്റ അഹ്‌മദ് അബ്ദുറഷീദ് (27) ആശുപത്രിയിൽ ചികിത്സയിലാണ്. റിയാദിലെ സുവൈദി എന്ന സ്ഥലത്തിനടുത്തായി താമസിക്കുന്ന ഇവർ രണ്ട് കുടുംബവും ഉംറക്കായി പുറപ്പെട്ടതായിരുന്നു. നടപടി ക്രമങ്ങൾ പൂർത്തിയാക്കി വെള്ളിയാഴ്ചയോടെ സംസ്കാരം നടക്കും.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ