ന്യൂഡല്ഹി: പ്രധാനമന്ത്രി നരേന്ദ്ര മോദിയെയും വ്യവസായി ഗൗതം അദാനിയെയും പറ്റി കോണ്ഗ്രസ് നേതാവ് രാഹുല് ഗാന്ധിയുടെ പരാമര്ശങ്ങള് ലോക്സഭാ രേഖകളില്നിന്ന് നീക്കി. ജനാധിപത്യത്തെ കുഴിച്ചുമൂടിയെന്ന് കോണ്ഗ്രസ് പ്രതികരിച്ചു.
കഴിഞ്ഞ ദിവസം ലോക്സഭയില് രാഷ്ട്രപതിക്കുള്ള നന്ദിപ്രമേയ ചര്ച്ചയില് സംസാരിക്കവെയാണ് മോദിയും അദാനിയും ഒരുമിച്ചു സഞ്ചരിക്കുന്നതിന്റെ ചിത്രങ്ങള് ഉയര്ത്തിക്കാട്ടി രാഹുല് ഗാന്ധി വിമര്ശനം ഉന്നയിച്ചത്.
പ്രധാനമന്ത്രിക്കെതിരെ അടിസ്ഥാനരഹിതമായ ആരോപണങ്ങള് ഉന്നയിച്ച രാഹുല് ഗാന്ധിക്കെതിരെ അവകാശലംഘന നടപടി സ്വീകരിക്കണമെന്ന് പാര്ലമെന്ററികാര്യമന്ത്രി പ്രഹ്ലാദ് ജോഷി ലോക്സഭയില് ആവശ്യപ്പെട്ടിരുന്നു. പാര്ലമെന്ററി ചട്ടങ്ങള് പ്രകാരം ആര്ക്കെങ്കിലും എതിരെ ആരോപണങ്ങള് ഉന്നയിക്കണമെങ്കില് അതിന് മുന്പ് നോട്ടീസ് നല്കണം. രാഹുല് ഗാന്ധി ഇന്നലെ നടത്തിയ പരാമര്ശങ്ങളില് ചിലത് ആക്ഷപകരവും അടിസ്ഥാനരഹിതവുമായ കാര്യങ്ങളാണ്. ആക്ഷേപകരമായ പരാമര്ശങ്ങള് നീക്കം ചെയ്യുകയും അദ്ദേഹത്തിനെതിരെ നടപടിയെടുക്കണമെന്നും മന്ത്രി സ്പീക്കര് ഓം ബിര്ളയോട് ആവശ്യപ്പെട്ടിരുന്നു.
ഈ വാര്ത്ത കൂടി വായിക്കൂ 'ചിലരുടെ മനോനില വ്യക്തമായി, ഇഡി പ്രതിപക്ഷ പാര്ട്ടികളെ ഒന്നിപ്പിച്ചു'; രാഹുലിന് പ്രധാനമന്ത്രിയുടെ മറുപടി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ