ഹൈദരാബാദ്:തെലങ്കാനയില്‍ അമിതവേഗത്തിലെത്തിയ ബിഎംഡബ്ല്യൂ കാര്‍ സ്‌കൂട്ടര്‍ യാത്രക്കാരനെ ഇടിച്ചുതെറിപ്പിച്ചു. എതിര്‍ദിശയില്‍ നിന്ന് അമിത വേഗത്തില്‍ കാര്‍ വരുന്നത് കണ്ട് സ്‌കൂട്ടര്‍ നിര്‍ത്തിയെങ്കിലും ഇടിച്ചുതെറിപ്പിക്കുകയായിരുന്നു. ഗുരുതരമായി പരിക്കേറ്റ സ്‌കൂട്ടര്‍ യാത്രക്കാരനെ ആശുപത്രിയില്‍ പ്രവേശിപ്പിച്ചു.
ഹൈദരാബാദിലെ ബജാര ഹില്‍സിലാണ് സംഭവം. അപകടത്തിന് ഇടയാക്കിയ കാര്‍ ഓടിച്ചിരുന്നത് ഒരു സ്ത്രീയായിരുന്നു. സ്ത്രീ മദ്യലഹരിയിലായിരുന്നുവെന്നും അമിതവേഗത്തില്‍ ഓടിച്ച് വന്ന വാഹനത്തിന് നിയന്ത്രണം നഷ്ടപ്പെടുകയായിരുന്നുവെന്നും പൊലീസ് പറയുന്നു. അപകടത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്.
ഹൈദരാബാദ് മുന്‍സിപ്പല്‍ കോര്‍പ്പറേഷന്‍ ജീവനക്കാരനായ ബാല ചന്ദര്‍ യാദവിനാണ് പരിക്കേറ്റത്. സ്‌കൂട്ടറില്‍ വരുമ്പോഴാണ് ജീവനക്കാരന്‍ അപകടത്തില്‍പ്പെട്ടത്. എതിര്‍ദിശയില്‍ നിന്ന് അമിത വേഗത്തില്‍ കാര്‍ വരുന്നത് കണ്ട് സ്‌കൂട്ടര്‍ യാത്രക്കാരന്‍ നിര്‍ത്തി. എന്നാല്‍ സ്‌കൂട്ടര്‍ ഇടിച്ചുതെറിപ്പിക്കുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ