മുംബൈ: നാഷണലിസ്റ്റ് കോണ്‍ഗ്രസ് പാര്‍ട്ടി (എന്‍സിപി) വര്‍ക്കിങ് പ്രസിഡന്റുമാരായി മുതിര്‍ന്ന നേതാക്കളായ പ്രഫുല്‍ പട്ടേലിനെയും സുപ്രിയ സുലെയെയും നിയമിച്ചു. പാര്‍ട്ടിയുടെ സില്‍വര്‍ ജൂബിലി പരിപാടിയില്‍ പ്രസിഡന്റ് ശരദ് പവാര്‍ ആണ് പ്രഖ്യാപനം നടത്തിയത്.
ബാരാമതിയില്‍നിന്നുള്ള പാര്‍ലമെന്റ് അംഗമായ സുപ്രിയ സുലെ ശരദ് പവാറിന്റെ മകളാണ്. മഹാരാഷ്ട്രാ, പഞ്ചാബ്, ഹരിയാന തെരഞ്ഞെടുപ്പുകളുടെ ചുമതലയും സുപ്രിയ സുലെയ്ക്ക് ആയിരിക്കും.
നേരത്തെ പാര്‍ട്ടി അധ്യക്ഷ സ്ഥാനം ഒഴിയുകയാണെന്ന് പവാര്‍ പ്രഖ്യാപിച്ചത് വലിയ വാര്‍ത്തയായിരുന്നു. പാര്‍ട്ടി നേതാക്കള്‍ സമ്മര്‍ദം ചെലുത്തിയതിനെത്തുടര്‍ന്നാണ് പവാര്‍ തീരുമാനത്തില്‍നിന്നു പിന്‍മാറിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ