കൊല്‍ക്കത്ത: പശ്ചിമബംഗാളിലെ റെയില്‍വേ സ്റ്റേഷനില്‍ പാളത്തില്‍ തലവെച്ച് ആത്മഹത്യക്ക് ശ്രമിച്ചയാളെ സമയോചിതമായ ഇടപെടലിലൂടെ രക്ഷപ്പെടുത്തി വനിതാ കോണ്‍സ്റ്റബിള്‍. ആര്‍പിഎഫ് കോണ്‍സ്റ്റബിള്‍ കെ സുമതിയാണ് സാഹസികമായി രക്ഷാപ്രവര്‍ത്തനം നടത്തിയത്. പൂര്‍വ് മോദിനിപുര്‍ റെയില്‍വേ സ്റ്റേഷനില്‍ ഏതാനുംനാള്‍ മുന്‍പ് നടന്ന സംഭവത്തിന്റെ ദൃശ്യങ്ങള്‍ ആര്‍പിഎഫ് ട്വിറ്ററില്‍ പോസ്റ്റ് ചെയ്തതോടെയാണ് വാര്‍ത്തയായത്.
പ്ലാറ്റ്ഫോമില്‍ ട്രെയിന്‍ വരുന്നത് കാത്തുനില്‍ക്കുന്ന ഒരാള്‍ പെട്ടെന്ന് ട്രാക്കിലേക്കിറങ്ങി തല പാളത്തിനുമേല്‍ വെച്ച് കിടക്കുന്നത് വീഡിയോയില്‍ കാണാം. ട്രെയിന്‍ സ്റ്റേഷനിലേക്ക് വന്നുകൊണ്ടിരിക്കുന്നതിനിടെയാണ് സംഭവം.
ഇതുകണ്ട് അപ്പുറത്തെ പ്ലാറ്റ്ഫോമില്‍ നിന്ന കോണ്‍സ്റ്റബിള്‍ കെ സുമതി ട്രാക്കിലേക്ക് ചാടിയിറങ്ങുന്നതും അവിടെ കിടന്നയാളെ വലിച്ചുനീക്കി ട്രാക്കിന് പുറത്തെത്തിക്കുന്നതും വീഡിയോയിലുണ്ട്. പ്ലാറ്റ്ഫോമില്‍ നിന്ന മറ്റ് രണ്ടുപേര്‍ കൂടി ചാടിയിറങ്ങി സുമതിയെ സഹായിക്കുന്നുണ്ട്. തൊട്ടുപിന്നാലെ തന്നെ ട്രെയിന്‍ കടന്നുപോകുന്നതും കാണാം.
ഈ വാർത്ത കൂടി വായിക്കൂ 'ലോക്‌സഭ തെരഞ്ഞെടുപ്പില്‍ വീണ്ടും മത്സരിക്കും'; നൂറു കണക്കിന് കാ'റുകളുടെ അകമ്പടിയില്‍ ബ്രിജ് ഭൂഷന്റെ റാലി (വീഡിയോ)
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ