ഗഡ്ചിരോളി: മഹാരാഷ്ട്രയിയെ ഗഡ്ചിരോളിയില്‍ മൂന്നു മാവോയിസ്റ്റുകളെ സുരക്ഷാ സേന വധിച്ചു. ഞായറാഴ്ച വൈകീട്ട് ആറു മണിയോടെയാണ് ഗഡ്ചിരോളിയിലെ മാന്നേ രാജാറാം ഗ്രാമത്തില്‍ ഏറ്റുമുട്ടല്‍ ഉണ്ടായത്. തലയ്ക്ക് 38 ലക്ഷം രൂപ പ്രഖ്യാപിച്ചിരുന്ന മാവോയിസ്റ്റുകളെയാണ് വധിച്ചതെന്ന് പൊലീസ് വ്യക്തമാക്കി.
ഗ്രാമത്തില്‍ രഹസ്യ യോഗം നടക്കുന്നെന്ന വിവരത്തെ തുടര്‍ന്ന് പൊലീസ് നടത്തിയ പരിശോധനയ്ക്കിടെയാണ് ഏറ്റുമുട്ടലുണ്ടായത്. പൊലീസ് സംഘത്തെ മാവോയിസ്റ്റുകള്‍ ഉള്‍വനത്തിലേക്ക് രക്ഷപ്പെടാന്‍ ശ്രമിക്കുന്നതിനിടെയാണ് വെടിവെപ്പുണ്ടായത്.
മാവോയിസ്റ്റ് സംഘടനയുടെ പ്രധാനപ്പെട്ട മൂന്നു കമാന്‍ഡര്‍മാരാണ് കൊല്ലപ്പെട്ടത് എന്നാണ് പൊലീസ് വ്യക്തമാക്കുന്നത്. മേഖലയില്‍ തെരച്ചില്‍ തുടരുകയാണ്.
ഈ വാര്‍ത്ത കൂടി വായിക്കൂ സൗജന്യമായി നന്ദിനി പാല്‍, ഏകീകൃത സിവില്‍ കോഡ്; കര്‍ണാടകയില്‍ ബിജെപി പ്രകടന പത്രിക പുറത്തിറക്കി
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ