സരബ്ജിത്ത് സിങ്ങിന്റെ കൊലയാളി; പാക് അധോലോക നേതാവ് അമീര്‍ സര്‍ഫറാസിനെ അജ്ഞാതര്‍ വെടിവച്ചുകൊന്നു
ലാഹോര്‍: ഇന്ത്യക്കാരനായ സരബ്ജിത്ത് സിങ്ങിന്റെ കൊലപാതകിയും പാകിസ്ഥാന്‍ അധോലോക നേതാവുമായ അമീര്‍ സര്‍ഫറാസ് കൊല്ലപ്പെട്ടു. ഞായറാഴ്ച ലാഹോറില്‍ വച്ചാണ് രണ്ട് അജ്ഞാതര്‍ ചേര്‍ന്ന് വെടിവച്ചുകൊല്ലുകയായിരുന്നു.
ലാഹോറിലെ ഇസ്ലാംപുര മേഖലയില്‍ വച്ച് ബൈക്കിലെത്തിയ സംഘം അമീറിനെ ആക്രമിക്കുകയായിരുന്നു. ഗുരുതരമായി പരുക്കേറ്റ ഇയാളെ അടുത്തുള്ള ആശുപത്രിയിലെത്തിച്ചെങ്കിലും മരിക്കുകയായിരുന്നു. പാകിസ്ഥാനിലെ പിടികിട്ടാപ്പുള്ളിയായ അധോലോക നായകരില്‍ ഒരാളാണ്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഇന്ത്യക്കാരനായ സരബ്ജിത്ത് സിങ്ങിനെ പാക് ജയിലിലിട്ട് കൊന്ന കേസിലും പ്രതിയാണ്. ചാരപ്രവര്‍ത്തി ആരോപിച്ചാണ് പഞ്ചാബ് സ്വദേശിയായ സരബ്ജിത്ത് സിങ് പാക് ജയിലിലാവുന്നത്. കൂടാതെ 14 പാകിസ്ഥാനികളെ ബോംബ് വച്ച് കൊന്നെന്നും കേസുണ്ടായിരുന്നു. തുടര്‍ന്ന് സരബ്ജിത്തിനെ തൂക്കിക്കൊല്ലാന്‍ വിധിക്കുകയായിരുന്നു. രണ്ട് പതിറ്റാണ്ടോളം പാക് ജയിലില്‍ കഴിഞ്ഞ സരബ്ജിത്ത് 2013ലാണ് ജയിലില്‍ വച്ച് കൊല്ലപ്പെട്ടത്. അമിര്‍ സര്‍ഫറാസ് ഉള്‍പ്പടെയുള്ളവര്‍ നടത്തിയ അക്രമത്തിലാണ് അദ്ദേഹം കൊല്ലപ്പെട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ