ന്യൂഡല്‍ഹി: ജിഎസ്ടി നടപ്പിലാക്കിയത് ഇന്ത്യന്‍ സാമ്പത്തിക വ്യവ്യസ്ഥയില്‍ തിരിച്ചടിയാണെന്ന വിമര്‍ശനങ്ങളുടെ മുനയൊടിച്ച് രാജ്യത്തിന്റെ മൊത്ത ആഭ്യന്തര ഉത്പാദനത്തില്‍ (ജിഡിപി) വര്‍ദ്ധന. നിര്‍മാണ മേഖലയിലെ വളര്‍ച്ചയാണ് ജിഡിപിക്ക് അനുകൂലമായത്. ജൂലായ് സെപ്തംബര്‍ മാസങ്ങളിലായി 6.3 ശതമാനമായാണ് ജി.ഡി.പി വര്‍ദ്ധിച്ചിരിക്കുന്നത്.

ഏപ്രില്‍ ജൂണ്‍ മാസങ്ങളില്‍ 5.7 ശതമാനമായിരുന്നു വളര്‍ച്ച. മാര്‍ച്ചില്‍ 6.1 ശതമാനമുള്ളിടത്ത് നിന്ന് ജൂണ്‍ മാസമാവുമ്പോഴേക്കും ഇത്ര താഴ്ന്നത് ഏറെ വിമര്‍ശനങ്ങള്‍ ഏറ്റുവാങ്ങിയിരുന്നു. കൃത്യമായ മുന്‍കരുതല്‍ ഇല്ലാതെ ജി.എസ്.ടി നടപ്പാക്കിയതിലുള്ള അപാകതയാണ് കുറവിന് കാരണമെന്നായിരുന്നു വിമര്‍ശനം. ഈ സാഹചര്യത്തിലാണ് ജിഡിപിയില്‍ വര്‍ദ്ധനവ് രേഖപ്പെടുത്തിയിരിക്കുന്നത്.