കൊച്ചി:  സ്വര്‍ണവില കഴിഞ്ഞ മൂന്നു മാസത്തെ ഏറ്റവും താഴ്ന്ന നിലയില്‍. ഇന്ന് പവന് 80 രൂപ താഴ്ന്ന് 23,480 രൂപയില്‍ എത്തിയതോടെയാണ് സ്വര്‍ണവില ജനുവരിക്ക് ശേഷമുളള ഏറ്റവും താഴ്ന്ന നിലവാരത്തില്‍ എത്തിയത്. 2935 രൂപയാണ് ഒരു ഗ്രാം സ്വര്‍ണത്തിന്റെ വില. ചൈനീസ് സമ്പദ് വ്യവസ്ഥയില്‍ ഉണര്‍വ് പ്രകടമാകുന്നതാണ് സ്വര്‍ണവിലയില്‍ പ്രതിഫലിക്കുന്നത്.

ഈ മാസം ഒരു ഘട്ടത്തില്‍ സ്വര്‍ണവില 24000 രൂപയിലേക്ക് നീങ്ങിയിരുന്നു. പിന്നീട് പടിപടിയായി സ്വര്‍ണവില താഴുന്നതാണ് ദൃശ്യമായത്. ഈ മാസത്തിന്റെ തുടക്കത്തില്‍ ഒരു പവന്‍ സ്വര്‍ണത്തിന് 23720 രൂപയായിരുന്നു വില. നിലവില്‍ ഏകദേശം 250 രൂപയുടെ കുറവുണ്ട്. കഴിഞ്ഞമാസം സ്വര്‍ണവില 24520 രൂപ വരെ ഉയര്‍ന്നിരുന്നു.