ന്യൂഡല്ഹി:ഈടില്ലാത്ത കാര്ഷിക വായ്പകളുടെ പരിധി ഉയര്ത്തി റിസര്വ് ബാങ്ക് ഓഫ് ഇന്ത്യ. ഒരു ലക്ഷം രൂപയില് നിന്ന് 1.60 ലക്ഷം രൂപയായാണ് ഉയര്ത്തിയത്. ചെറുകിട കര്ഷകരെ സഹായിക്കാന് ലക്ഷ്യമിട്ടാണ് നടപടി. വ്യാഴാഴ്ച അവസാനിച്ച പണ നയ സമിതി യോഗത്തിലാണ് തീരുമാനം.
കേന്ദ്രസര്ക്കാരിന്റെ ഇടക്കാലബജറ്റില് ചെറുകിട കര്ഷകര്ക്ക് പ്രതിവര്ഷം 6,000 രൂപയുടെ ധനസഹായം നല്കുമെന്ന് പ്രഖ്യാപിച്ചിരുന്നു. ഇതിന് പിന്നാലെയാണ് ആര്.ബി.ഐയുടെ തീരുമാനം.2010ലാണ് ഈടില്ലാത്ത കാര്ഷിക വായ്പയുടെ പരിധി ഒരു ലക്ഷമായി ഉയര്ത്തിയത്. അതിനു ശേഷം ഇങ്ങോട്ട് കൃഷി ചെലവിലുണ്ടായ വര്ധനയും ഉയര്ന്ന പണപ്പെരുപ്പവും കണക്കിലെടുത്താണ് വായ്പാ പരിധി 1.60 ലക്ഷമായി ഉയര്ത്തിയതെന്ന് ആര്.ബി.ഐ. അറിയിച്ചു.
കാര്ഷിക വായ്പയില് അടക്കം മേഖലയില് നിലനില്ക്കുന്ന വിവിധ പ്രശ്നങ്ങള് പരിശോധിക്കാന് ആഭ്യന്തരസമിതിക്ക് രൂപം നല്കാനും റിസര്വ് ബാങ്ക് തീരുമാനിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ