ന്യൂഡല്‍ഹി: ദീപാവലിക്ക് മുന്‍പ് രാജ്യത്ത് ഇന്ധനവില കുറയാന്‍ സാധ്യത. കോവിഡിന്റെ രണ്ടാം തരംഗം നേരിടുന്ന പാശ്ചാത്യ രാജ്യങ്ങളില്‍ അസംസ്‌കൃത എണ്ണയുടെ ആവശ്യകത കുറഞ്ഞിരിക്കുകയാണ്. ഇത് എണ്ണ വിലയില്‍ പ്രതിഫലിക്കുന്നുണ്ട്. വരും ദിവസങ്ങളില്‍ ഇന്ത്യന്‍ വിപണിയില്‍ ഇന്ധനവില കുറയാന്‍ ഇത് ഇടയാക്കുമെന്നാണ് റിപ്പോര്‍ട്ടുകള്‍.

ആഗോളതലത്തില്‍ അസംസ്‌കൃത എണ്ണ വിലയില്‍ ഇതിനോടകം അഞ്ചു ശതമാനത്തിന്റെ ഇടിവാണ് രേഖപ്പെടുത്തിയത്. ബാരലിന് 40 ഡോളറിനോട് ചേര്‍ന്നാണ് വ്യാപാരം നടക്കുന്നത്. ദിവസങ്ങള്‍ക്ക് മുന്‍പ് ബാരലിന് 42 ഡോളര്‍ വില ഉണ്ടായിരുന്നു. എണ്ണ ആവശ്യകത കുറഞ്ഞതും വര്‍ധിച്ചുവരുന്ന എണ്ണ ശേഖരവും നിമിത്തം വരും ദിവസങ്ങളില്‍ എണ്ണ വില കുറയുമെന്നാണ് വിദഗ്ധര്‍ അഭിപ്രായപ്പെടുന്നത്. 

നിലവില്‍ ഇന്ത്യന്‍ വിപണിയില്‍ കഴിഞ്ഞ ഒരു മാസമായി ഇന്ധനവിലയില്‍ മാറ്റമില്ല. ഡല്‍ഹിയില്‍ പെട്രോള്‍ വില ലിറ്ററിന് 81 രൂപ ആറ് പൈസയാണ്. 70.46 പൈസയാണ് ഒരു ലിറ്റര്‍ ഡീസലിന്റെ വില.