ആളുകളെ ഭീതിയിലാഴ്ത്തിയിരുന്ന ആ ഭീമന്‍ മുതലയെ അവസാനം പിടിച്ചുകെട്ടി. ഓസ്‌ട്രേലിയയിലെ കാതറീന്‍ റിവറില്‍ കഴിഞ്ഞിരുന്ന ഈ മുതല അവിടുത്തെ ജനങ്ങള്‍ക്കെല്ലാം ഭീഷണിയുയര്‍ത്താന്‍ തുടങ്ങിയിട്ട് നാളേറെയായി. പുഴയ്ക്ക് സമീപം ജനവാസ പ്രദേശമാണ്. അവിടെയുള്ളവരെല്ലാം ഏറെ പേടിച്ചായിരുന്നു ഈ ജീവിയെപ്പേടിച്ച് കഴിഞ്ഞിരുന്നത്.

ഏതായാലും ആശങ്കകള്‍ക്ക് വിരാമമായി ഇപ്പോള്‍. നോര്‍തേണ്‍ ടെറിട്ടറി പാര്‍ക്കിലെ ജീവനക്കാരും വൈഡ് ലൈഫ് റേഞ്ചേഴ്‌സും ചേര്‍ന്ന് അതി വിദഗ്ധമായാണ് മുതലയെ വലയില്‍ കുടുക്കിയത്. പത്ത് വര്‍ഷങ്ങള്‍ക്ക് ശേഷമാണ് ഇത്രയും വലിയ മുതലയെ ഓസ്‌ട്രേലിയയില്‍ നിന്നും കണ്ടെത്തുന്നത്. ഒരു മനുഷ്യനേക്കാളുമൊക്കെ ഏറെ വലുതാണ് ഇത്. 4.7 മീറ്റര്‍ നീളവും 600 കിലോ ഭാരവുമുണ്ട് ഈ ഭീമന്‍ മുതലക്ക്. 

അറുപത് വയസ് പ്രായമുള്ള മുതലയെയാണ് ഇപ്പോള്‍ പിടിച്ചിരിക്കുന്നത് എന്ന് ഉദ്യോഗസ്ഥര്‍ വ്യക്തമാക്കി. ഒരു വിഡിയോയും അധികൃതര്‍ പങ്കുവെച്ചിട്ടുണ്ട്. 1974ല്‍ ആയിരുന്നു ഏറ്റവും വലിപ്പമുള്ള മുതലയെ ഓസ്‌ട്രേലിയയില്‍ നിന്ന് അവസാനമായി കണ്ടെത്തിയത്. ആ മീറ്റര്‍ ആയിരുന്നു അതിന്റെ നീളം. മുതലയെപ്പേടിച്ച് ഇനി ഓസ്‌ട്രേലിയയിലേക്ക് ആരും പോകാതിരിക്കുമോ എന്തോ..