ആദ്യമായി വിമാനത്തില്‍ കയറുമ്പോള്‍ ആളുകള്‍ പല അബധങ്ങളും കാണിക്കാറുണ്ട്. അങ്ങനെയുള്ള ചില സംഭവങ്ങളൊക്കെ നമ്മള്‍ സിനിമയിലൂടെയും കോമഡി പ്രോഗ്രാമുകളിലൂടെയുമെല്ലാം കണ്ടിട്ടുമുണ്ട്. പക്ഷേ അത്ര തമാശയല്ലാത്ത ഒരു സംഭവമാണ് പട്‌നയില്‍ സംഭവിച്ചത്.
ആദ്യമായി വിമാനത്തില്‍ കയറിയ യാത്രികന്‍ വിമാനത്തിന്റെ വാതില്‍ തുറക്കുകയായിരുന്നു. ജീവനക്കാരുടെ സമയോചിതമായ ഇടപെടല്‍ കൊണ്ടാണ് വലിയ അപകടം ഒഴിവായത്. കങ്കര്‍ബാഗ് സ്വദേശിയായ ഇയാളുടെ പേരുവിരങ്ങള്‍ പൊലീസ് പുറത്തു വിട്ടിട്ടില്ല.
ടൊയ്‌ലറ്റ്‌ ആണെന്ന് കരുതിയാണ് യാത്രക്കാരന്‍ വിമാനത്തിന്റെ വാതില്‍ തുറന്നതെന്ന് അദ്ദേഹം പൊലീസിനോട് പറഞ്ഞു. തന്റെ ആദ്യ യാത്രയായതിനാല്‍ അറിവില്ലായ്മ കൊണ്ട് പറ്റിയതാണെന്നും അദ്ദേഹം പൊലീസിനോട് പറഞ്ഞു.
ബാങ്ക് ഉദ്യോഗസ്ഥനായ ഇയാള്‍ക്ക് അജ്മീറിലേക്ക് ട്രാന്‍സ്ഫര്‍ ആയതിനാലാണ് ഡല്‍ഹിയില്‍ നിന്നും കഴിഞ്ഞ ദിവസം വിമാനം കയറിയത്. പ്രാഥമിക പരിശോധനയ്ക്ക് ശേഷം ഇയാളെ പൊലീസ് വിട്ടയച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ