റാനു മൊണ്ടല്‍ പാടിയ 'തേരി മേരി കഹാനി' ഓര്‍മയില്ലേ. സോഷ്യല്‍ മീഡിയ താരമാക്കിയ റാനു പാടിയ ഈ ബോളിവുഡ് ഗാനവും ആരാധകര്‍ വൈറലാക്കിയിരുന്നു. ഇപ്പോഴിതാ അതേ ഗാനം സാമൂഹിക മാധ്യമങ്ങളില്‍ വീണ്ടും വൈറലായി മാറി.
ഇത്തവണ പക്ഷേ റാനുവല്ല താരം. ഹാര്‍മോണിയം വായിച്ച് ഈ ഗാനം പാടുന്നൊരാളും അതിനൊപ്പം പാടുന്ന ഒരു നായയുമാണ് വീഡിയോയിലെ താരങ്ങള്‍.
ഹാര്‍മോണിയം വായിച്ച് ആ മനുഷ്യന്‍ പാടുമ്പോള്‍ തൊട്ടരികില്‍ നിന്ന് വാലാട്ടി പാട്ടിനൊപ്പം ശബ്ദമുണ്ടാക്കിയാണ് നായയും ഒപ്പം ചേരുന്നത്. പാട്ട് വലിയ ചിരിപടര്‍ത്തിയാണ് സോഷ്യല്‍ മീഡിയയില്‍ പ്രചരിക്കപ്പെടുന്നത്.
ഹാര്‍മോണിയം വായിച്ച് പാടുന്ന ആളെക്കാള്‍ മികച്ച രീതിയില്‍ നായ പാടുന്നുണ്ട് എന്ന് ചില വിരുതന്‍മാര്‍ കമന്റ് പാസാക്കിയിട്ടുണ്ട്. അയാള്‍ പാടുന്നത് കേട്ടിട്ട്, പാട്ട് നിര്‍ത്താന്‍ നായ ആവശ്യപ്പെടുകയായിരുന്നു എന്നും ചിലര്‍ കമന്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ