ആനച്ചോറ് കൊലച്ചോറ് എന്നൊരു പഴമൊഴി തന്നെ നിലവിലുണ്ട്. എന്നാല് ഇതു തിരുത്തുകയാണ് ഒരേ ഇലയില് നിന്നും ഭക്ഷണം കഴിക്കുന്ന ആനയുടെയും പാപ്പാന്റെയും വീഡിയോ. ഇരുവരുടെയും സൗഹൃദത്തിന്റെ ആഴം കൂടി വ്യക്തമാക്കുന്നതാണ് സോഷ്യല് മീഡിയയില് തരംഗമായി മാറിയ വീഡിയോ.
കൊമ്പന്റെ സമീപത്തിരുന്ന് പാപ്പാന് ഇലപ്പൊതിയിലെ ഭക്ഷണം കഴിക്കുകയാണ്. ഇതു നോക്കിനിന്ന ആനയ്ക്ക് കൊതി പിടിച്ചിട്ടു കിട്ടിയില്ല. പിന്നെ ഒന്നും നോക്കിയില്ല. പാപ്പാനൊപ്പം ഇലയില് നിന്നും ആനയും ഭക്ഷണം എടുത്ത് കഴിക്കാന് തുടങ്ങി. ആനയ്ക്ക് കഴിക്കാനുള്ള ഓലയെല്ലാം സമീപത്തു കിടക്കുമ്പോഴാണ് പൊതിച്ചേറിലേക്ക് തുമ്പിക്കൈ നീണ്ടത്.
ആന പൊതിയില് നിന്നും ഭക്ഷണം എടുത്ത് കഴിക്കുന്നത് ഗൗനിക്കാതെ പാപ്പാനും ഭക്ഷണം കഴിക്കുന്നത് തുടരുന്നത് വീഡിയോയില് കാണാം. ആനയുടെയും പാപ്പാന്റെയും ഈ വീഡിയോ സമൂഹമാധ്യമത്തില് ഇപ്പോള് വൈറലാണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ