വിവാഹദിവസം ടെന്ഷനടിക്കാത്ത വധൂവരന്മാര് കുറവായിരിക്കും. അണിഞ്ഞൊരുങ്ങി നില്ക്കുമ്പോഴും ഉള്ളില് ടെന്ഷനുമായിട്ടായിരിക്കും സ്വപ്ന ദിനം പലരും പിന്നിടുന്നത്. എന്നാലിതാ ലെഹങ്ക ചുറ്റി ആഭരണങ്ങളൊക്കെയിട്ട് വിവാഹത്തിനൊരുങ്ങി നില്ക്കുമ്പോള് വധു പുഷ്അപ്പ് എടുക്കുന്ന വിഡിയോയാണ് വൈറലാകുന്നത്.
ആനാ അറോറ എന്ന യുവതിയാണ് വിഡിയോയിലെ താരം. ചുവപ്പ് നിറത്തിലെ ലെഹങ്കയില് നെക്ലസും വലിയ കമ്മലും നെറ്റിച്ചുട്ടിയുമടക്കം ആഭരണങ്ങളും അണിഞ്ഞ് നില്ക്കെയാണ് ആനാ പുഷ്ആപ്പ് എടുക്കുന്നത്.
ഇന്സ്റ്റഗ്രാമില് എണ്ണായിരത്തിലധികം ഫോളോവേഴ്സുള്ള ആനാ ഫിറ്റ്നസ് കോച്ച് ആണ്. സോഷ്യല് മീഡിയയില് വര്ക്കൗട്ട് വിഡിയോകള് പങ്കുവയ്ക്കുന്നത് പതിവാണ്. എന്നാല് വിവാഹദിനത്തിലെ സര്പ്രൈസ് പോസ്റ്റ് ആണ് ഇക്കൂട്ടത്തില് ഹിറ്റ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ