ശ്രീലങ്കയ്‌ക്കെതിരായ രണ്ടാം ടെസ്റ്റിനായി കൊളംബോയിലാണ് ഇന്ത്യന്‍ ടീം. 304 റണ്‍സിന് ഒന്നാം ടെസ്റ്റില്‍ നേടിയ വിജയം ആവര്‍ത്തിക്കുകയാണ് കോഹ്ലിയുടേയും സംഘത്തിന്റേയും ലക്ഷ്യം. അതിനിടയില്‍ ഇന്ത്യന്‍ നായകന്‍ ഒരു മാധ്യമ പ്രവര്‍ത്തകനെ ആദരിച്ചു.
അനുഷ്‌കയുമായുള്ള ബന്ധത്തെ കുറിച്ച് ഗോസിപ്പെഴുതിയ മാധ്യമപ്രവര്‍ത്തകന് നേരെ കോഹ് ലി ആഞ്ഞടിച്ചത് കുറച്ച് വര്‍ഷങ്ങള്‍ക്ക് മുന്‍പാണ്. പക്ഷെ ഇപ്പോള്‍
നൂറാം ടെസ്റ്റ് മത്സരം റിപ്പോര്‍ട്ട് ചെയ്യുന്ന മാധ്യമപ്രവര്‍ത്തകനായ ആര്‍ കൗശികിനെയാണ് കോഹ് ലി ആദരിച്ചത്. പ്രസ് കോണ്‍ഫറന്‍സിനിടെ ഇന്ത്യന്‍ ടീമിന്റെ ജേഴ്‌സി കോഹ് ലി അദ്ദേഹത്തിന് സമ്മാനിച്ചു. വിസ്ഡന്‍ ഇന്ത്യയുടെ മാനേജിങ് എഡിറ്റര്‍ കൂടിയാണ് കൗശിക്.
കളി മനസിലാക്കിയ ചുരുക്കം മാധ്യമപ്രവര്‍ത്തകരില്‍ ഒരാളാണ് കൗശികെന്ന് കോഹ് ലി പറഞ്ഞു. മസാല ചേര്‍ക്കാത്ത റിപ്പോര്‍ട്ടുകളുമായി ഇനിയും ജോലി തുടരാന്‍ സാധിക്കട്ടേയെന്നും മാധ്യമപ്രവര്‍ത്തകന് ഇന്ത്യന്‍ നായകന്‍ ആശംസ നേര്‍ന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ