ഡെര്‍ബി: വനിതാ ലോകകപ്പ് ക്രിക്കറ്റില്‍ ഇന്ത്യയ്ക്കു മൂന്നാം ജയം. 95 റണ്‍സിനു പാക്കിസ്ഥാനെ തോല്‍പ്പിച്ചാണ് ഇന്ത്യന്‍ ടീം തുടര്‍ച്ചായയ മൂന്നാം മത്സരം സ്വന്തമാക്കിയത്. 

ആദ്യം ബാറ്റുചെയ്ത ഇന്ത്യയ്ക്ക് പ്രതീക്ഷിച്ച സ്‌കോര്‍ കണ്ടെത്താന്‍ ഇന്ത്യയ്ക്കായില്ലെങ്കിലും ബൗളിംഗില്‍ മികച്ച പ്രകടനം നടത്തിയതാണ് ജയമൊരുക്കിയത്. 50 ഓവറില്‍ ഒമ്പതു വിക്കറ്റിന് 169 റണ്‍സാണ് ഇന്ത്യ നേടിയത്. മറുപടി ബാറ്റിംഗിനിറങ്ങിയ പാക്കിസ്ഥാന്‍ 38.1 ഓവറില്‍ 74 റണ്‍സിന് പുറത്തായി. 

ഓപ്പണര്‍ പൂനം റാവത്ത് (47), സുഷമ വര്‍മ (33), ഡിബി ശര്‍മ (28) എന്നിവരുടെ മികവിലാണ് ഇന്ത്യ തകര്‍ച്ചയൊഴിവാക്കിയത്. ഇന്ത്യന്‍ ബൗളിംഗ് നിരയില്‍ ഏക്താ ബിഷ്ത്ത് പത്തോവറില്‍ 18 റണ്‍സ് മാത്രം വഴങ്ങി അഞ്ചു വിക്കറ്റുകള്‍ വീഴ്ത്തി. 29 റണ്‍സ് നേടിയ സാനാ മിറാണ് പാക്കിസ്ഥാന്റെ ടോപ്പ് സ്‌കോറര്‍.