ഓവല്‍:  ചാംപ്യന്‍സ് ട്രോഫിയില്‍ ഇന്ത്യന്‍ ബൗളര്‍മാര്‍ക്കു മുന്നില്‍ ദക്ഷിണാഫ്രിക്കന്‍ ബാറ്റ്‌സ്മാന്‍മാര്‍ക്ക് അടിതെറ്റി. ടോസ് നേടി ബൗളിംഗ് തെരഞ്ഞെടുത്ത ഇന്ത്യയുടെ തന്ത്രം ഫലിച്ചു. ഇന്ത്യന്‍ ബൗളര്‍മാരുടെ മികവില്‍ 44.3 ഓവറില്‍ 191 റണ്‍സിന് പേരുകേട്ട ദക്ഷിണാഫ്രിക്കന്‍ ബാറ്റ്‌സ്മാന്‍മാരെ ഇന്ത്യ പുറത്താക്കി.

53 റണ്‍സെടുത്ത ഡി കോക്കും 36 റണ്‍സെടുത്ത ഡുപ്ലെസിയും 35 റണ്‍സെടുത്ത അംലയുമാണ് ദക്ഷിണാഫ്രിക്കയ്ക്ക് പൊരുതാനുള്ള സ്‌കോറുണ്ടാക്കിയത്. ഇന്ത്യന്‍ ബൗളര്‍മാരില്‍ ഭുവനേഷ് കുമാറും, ജസ്പ്രീത് ഭുംറയും രണ്ട് വിക്കറ്റുകള്‍ വീതം നേടിയപ്പോള്‍ അശ്വിന്‍, പാണ്ഡ്യ, ജഡേജ എന്നിവര്‍ ഓരോ വിക്കറ്റുകള്‍ വീതം വീഴ്ത്തി.

മറുപടി ബാറ്റിംഗിനിറങ്ങിയ ഇന്ത്യ രണ്ട് ഓവറില്‍ രണ്ട് റണ്‍സെടുത്തു. ശിഖര്‍ ധവാനും രോഹിത് ശര്‍മയുമാണ് ക്രീസില്‍.