ഓള്‍ഡ്ട്രഫോര്‍ഡ് അവസാന ഓവറില്‍ ജയിക്കാന്‍ വേണ്ടത് ആറ് റണ്‍സ് മാത്രം. കയ്യില്‍ നാല്‍ വിക്കറ്റുകള്‍ ബാക്കി. പക്ഷേ ബൗളര്‍ മാന്ത്രീകനായതോടെ ട്വിന്റി20 ക്രിക്കറ്റിലെ ഏറ്റവും മികച്ച അവസാന ഓവര്‍ പിറക്കുകയായിരുന്നു അവിടെ. 

ഇംഗ്ലണ്ടിലെ പ്രാദേശിക ട്വിന്റി20 ടൂര്‍ണമെന്റില്‍ ഡര്‍ഹാം ജെറ്റ്‌സ്-ലങ്കാഷെയര്‍ എന്നിവര്‍ തമ്മിലുള്ള  മത്സരത്തിലായിരുന്നു അവസാന ഓവറിലെ മാജിക് പിറന്നത്. ആദ്യം ബാറ്റ് ചെയ്ത ഡര്‍ഹാം 155 റണ്‍സ് എതിര്‍ ടീമിന് മുന്നില്‍ വെച്ചു. എന്നാല്‍ ലങ്കാഷെയറിന് തങ്ങളുടെ പോരാട്ടം 150 റണ്‍സില്‍ അവസാനിപ്പിക്കേണ്ടി വന്നു.

ഡര്‍ഹാമിന്റെ ബൗളര്‍ ട്രവസ്‌കിസാണ് ലങ്കാഷെയറില്‍ നിന്നും ജയം തട്ടിയെടുത്തത്. അവസാന ഓവറില്‍ ഡാനിയേല്‍ ലാംപും ജയംസ് ഫോക്‌നറുമായിരുന്നു ലങ്കാഷെയറിന് വേണ്ടി ക്രീസില്‍. അവസാന ഓവറിലെ ആദ്യ പന്തില്‍ റണ്‍സ് എടുക്കാനായില്ല. രണ്ടാമത്തെ പന്തില്‍ ഫോക്‌നര്‍ ഔട്ട്. 

മൂന്നാം പന്തിലും റണ്‍സ് ഇല്ല. നാലാം പന്ത് കയറി അടിക്കാനുള്ള ശ്രമത്തിന് ഇടയില്‍ വിക്കറ്റ് കീപ്പര്‍ ലാംപിന്റെ കുറ്റിത്തെറിപ്പിച്ചു. അഞ്ചാം പന്തില്‍ വീണ്ടും വിക്കറ്റ് വീണു. അവസാന ബോളില്‍ ഒരു റണ്‍.