മത്സര ഫലം പ്രതികൂലമായാല്‍ അത് മാനസികമായി കായിക താരങ്ങളെ തളര്‍ത്തിയേക്കാം. അങ്ങിനെ ഒരു മത്സരത്തിന് ശേഷം നിയന്ത്രിക്കാന്‍ ആവാത്ത വിധത്തില്‍ ബാഴ്‌സ ഇതിഹാസ താരം ലയണല്‍ മെസി കരയുകയായിരുന്നു എന്ന് വെളിപ്പെടുത്തുകയാണ് മാഞ്ചസ്റ്റര്‍ യുനൈറ്റഡ് താരം അലക്‌സിസ് സാഞ്ചസ്.
2011 മുതല്‍ 2014 വരെ സാഞ്ചസ് ബാഴ്‌സയുടെ ഭാഗമായിരുന്നപ്പോഴാണ് സംഭവം. ചെല്‍സിക്കെതിരായ മത്സരത്തിന് ശേഷമായിരുന്നു ബാഴ്‌സയുടെ ഡ്രസിങ് റൂമിലിരുന്ന് മെസി കരഞ്ഞതെന്ന് സ്‌കൈ സ്‌പോര്‍ട്‌സിന് നല്‍കിയ അഭിമുഖത്തില്‍ സാഞ്ചസ് പറയുന്നു.
എന്നാല്‍ ഇതെല്ലാം ഫുട്‌ബോളിന്റെ ഭാഗമാണ്. സ്വയം ഒരുപാട് പ്രതീക്ഷിച്ചാവും ഓരോ കളിക്കാരനും മൈതാനത്തിറങ്ങുക. മറ്റുള്ളവര്‍ക്ക് അത് കാണാനാവില്ല. കുട്ടിക്കാലത്ത് നിങ്ങളുടേത് പോലെ, എല്ലാവരുടേതും പോലെയുള്ള സ്വപ്‌നമായിരുന്നു എനിക്കും. ഒരു ഫുട്‌ബോളറാവുക. ഏറ്റവും മികച്ച താരങ്ങള്‍ക്കൊപ്പം കളിക്കുക. യുറോപ്പിലുള്ളവരേക്കാള്‍ ബുദ്ധിമുട്ടാണ് ദക്ഷിണ അമേരിക്കയിലുള്ളവര്‍ക്ക് ഈ സ്വപ്‌നങ്ങള്‍ സാക്ഷാത്കരിക്കാന്‍. കാരണം ഞങ്ങള്‍ യൂറോപ്പിലേക്ക് വരുന്നതാണ് സ്വപ്‌നം കാണുന്നതെന്നും സാഞ്ചസ് ചൂണ്ടിക്കാണിക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ