നെയ്മര്‍ പോയതിന് പിന്നാലെയായിരുന്നു പൗളിഞ്ഞോ ബഴ്‌സ കുപ്പായത്തിലേക്ക് എത്തുന്നത്. ഒരു സീസണ്‍ മാത്രം പിന്നിടുമ്പോഴേക്കും ബാഴ്‌സ കുപ്പായം അഴിക്കുകയാണ് പൗളിഞ്ഞോ. ബാഴ്‌സ പോലൊരു ക്ലബ് വിട്ടുപോകുന്നതിന്റെ പിന്നിലെന്ത് എന്ന ചോദ്യങ്ങള്‍ക്ക് മറുപടി പറയുകയാണ് പൗളിഞ്ഞോ ഇപ്പോള്‍.
ബാഴ്‌സയിലും, ബ്രസീലിന്റെ ലോക കപ്പ് ടീമില്‍ നിന്നും ലഭിച്ച പരിശീലനം എന്നെ ചൈനീസ് സൂപ്പര്‍ ലീഗില്‍ മികച്ച കളി പുറത്തെടുക്കാന്‍ സഹായിക്കും. സൂപ്പര്‍ ലീഗ് ഓരോ വര്‍ഷം കഴിയുംതോറും മെച്ചപ്പെട്ടു വരികയാണ്. സൂപ്പര്‍ ലീഗ് കൂടുതല്‍ ആവേശഭരിതമാക്കാനാണ് താന്‍ അവിടേക്ക് മടങ്ങുന്നതെന്നും പൗളിഞ്ഞോ പറയുന്നു.
ലോണ്‍ ട്രാന്‍സ്ഫറിലൂടെ ചൈനീസ് സൂപ്പര്‍ ലീഗ് ക്ലബായ ഗുവാങ്‌സോവിലേക്ക് 40 മില്യണ്‍ ഡോളര്‍ കരാറിലാണ് പൗളിഞ്ഞോ പോകുന്നത്. ഗുവാങ്‌സോവിനെ മൂന്ന് കിരീട നേട്ടങ്ങളിലേക്ക് എത്തിച്ചതിന് പിന്നാലെ ബാഴ്‌സയിലേക്കുള്ള പൗളിഞ്ഞോയുടെ വരവ് വിവാദമായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ