ഇന്ത്യന്‍ ക്രിക്കറ്റ് ടീമില്‍ ഫിറ്റ്‌നസിന്റെ കാര്യത്തില്‍ വിട്ടുവീഴ്ചയില്ലാത്ത രണ്ട് പേരാണ് നായകന്‍ വിരാട് കോഹ് ലിയും കെ.എല്‍.രാഹുലും. കരിയറിന്റെ വ്യത്യസ്ത സമയങ്ങളില്‍ കോഹ് ലിയും, കെ.എല്‍.രാഹുലും എടുത്ത ത്രീ റണ്‍സ് ചലഞ്ചാണ് ഇപ്പോള്‍ ആരാധകരില്‍ കൗതുകം നിറയ്ക്കുന്നത്. 

വിക്കറ്റിനിടയിലെ ഓട്ടത്തില്‍ ഇവരില്‍ ആര്‍ക്കാണ് വേഗ കൂടുതല്‍?  അഞ്ച് മാസം മുന്‍പായിരുന്നു കോഹ് ലി ഈ ചലഞ്ച് ഏറ്റെടുത്ത് ഓടിയത്. മൂന്ന് റണ്‍സ് ഓടിയെടുക്കാന്‍ ഇന്ത്യന്‍ നായകന്‍ എടുത്ത സമയം 8.9 സെക്കന്‍ഡ്. 

കഴിഞ്ഞ ദിവസം കെ.എല്‍.രാഹുലും ഓടി ഇതേ ചലഞ്ച് ഏറ്റെടുത്ത്. പത്ത് സെക്കന്‍ഡില്‍ മൂന്ന് റണ്‍സ് എടുക്കാന്‍ സാധിക്കുമോ എന്നായിരുന്നു രാഹുലിന്റെ ചോദ്യം. രാഹുല്‍ എടുത്ത സമയം 10.01. എട്ട് സെക്കന്‍ഡില്‍ ഓടി എത്തിയ കോഹ് ലിയെ കണ്ട് പഠിക്കാനാണ് ഇതിന് ശേഷം ആരാധകര്‍ രാഹുലിനോട് പറയുന്നത്. ധോനിക്കിത് ആറ്, ഏഴ് സെക്കന്‍ഡില്‍ സാധിക്കുമെന്നും മറ്റ് ചില ആരാധകര്‍ പറയുന്നു.